Oberow 9:16 - An Bibel Kernewek 20234 (Kernewek Kemmyn)

¹⁶ rag my a wra diskwedhes dhodho pygemmys y telledh ev dhe wodhav a-barth ow hanow.’

Oberow 9:16 Iomraidhean Croise

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Matthew 24:9

‘Ena i a'gas daskorr dhe dorment ha'gas ladha ha hwi a vydh kesys gans oll an kenedhlow, a-barth ow hanow vy.

Matthew 5:11

‘Gwynn agas bys pan y'gas despityons ha'gas helghya ha leverel pub eghenn a dhrog gans gow er agas pynn a-barth dhymmo vy.

Yowann 15:20

Perthewgh kov a'n ger a gewsis dhywgh: Nyns yw an kethwas brassa es y vester. Mar kwrussons ow helghya vy, i a'gas helgh hwi ynwedh; mar kwrussons gwitha ow ger vy, ynwedh i a with agas ger hwi.

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Oberow 21:11

hag ev a dheuth dhyn, hag ow kemmeres grogys Powl ev a omgolmas er an dreys ha'n dhiwla ha leverel, ‘Yndellma y lever an Spyrys Sans, “Y'n for' ma an Yedhewon yn Yerusalem a wra kelmi an gour a bew an grogys ma, hag i a wra y dhelivra yn leuv an Jentilys.” ’

Oberow 21:13

Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 21:4

Hag ow kavoes an dhyskyblon ni a wortas ena seyth dydh. Der an Spyrys i a leveris dhe Powl nag ella yn-bann dhe Yerusalem.

Oberow 9:14

hag omma ev a'n jeves awtorita dhiworth an bennoferysi dhe gelmi myns a grio war dha hanow.’

Oberow 9:6

Mes sav yn-bann, ke a-ji dhe'n sita, ha leverys vydh dhis an pyth a dhelledh ty dhe wul.’

2 Korinthianys 6:4

mes yn pub fordh ni a omgommend avel menystrys Duw, yn meur a wodhevyans, yn galar, yn kaletteryow, yn ahwer,

1 Thessalonianys 3:3

ma na vo denvyth troblys y'n galarow ma, rag hwi a woer bos hemma agan rann,

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 3:11

ow helghyans, ow galarow a goedhas warnav yn Antiogh, yn Ikonium, yn Lystra, an helghyans a berthis; ha'n Arloedh re wrug ow delivra yn-mes anedha oll.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.