Oberow 9:13 - An Bibel Kernewek 20234 (Kernewek Kemmyn)

¹³ Hag Ananias a worthybis, ‘Arloedh, my re glewas dhiworth lies a-dro dhe'n gour ma, pygemmys drog re wrug ev dhe'th syns yn Yerusalem;

Oberow 9:13 Iomraidhean Croise

Ezekiel 3:14

Ena an spyrys a'm drehevis hag a'm kemmeras, ha gyllys veuv yn hwerowder, yn sorr ow spyrys, ha leuv an Arloedh o krev warnav.

Matthew 10:16

‘Awotta, my a'gas dannvon yn-mes avel deves yn mysk bleydhi; rakhenna bedhewgh fur avel serf ha gwiryon avel kelemmi.

Oberow 22:4

My a helghyas an Fordh ma bys y'n mernans, ow kelmi ha gwer ha benynes hag orth aga gorra yn prison,

Oberow 8:3

Mes yth esa Sowl ow ravna an eglos; hag owth entra yn chi wosa chi, ev a dhraylya dhe-ves ha gwer ha benynes ha'ga gorra yn prison.

Oberow 9:1

Mes Sowl, hwath owth anella godrosow ha denladh erbynn dyskyblon an Arloedh, eth dhe'n arghoferyas,

Oberow 9:21

Pubonan oll neb a'n klewas a's tevo marth, hag yn-medhons i, ‘A nyns yw hemma an gour re dhistruis an re na yn Yerusalem neb a gri war an hanow ma? Ha deuva omma rakhemma, ma's dokko i yn kelmys a-dherag an bennoferysi.’

Oberow 9:32

Lemmyn, dell hwarva, Peder, hag ev ow mos a-dro yn pub le, a dheuth ynwedh dhe'n syns trigys yn Lydda.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 15:31

rag may fiv delivrys a'n dhiskryjygyon yn Yudi ha may fo ow gonis rag Yerusalem degemmeradow dhe'n syns,

Romanyon 16:15

Salusewgh Filologus, Yulia, Nereus ha'y hwoer, hag Olympas hag oll an syns usi gansa.

Romanyon 16:2

rag ma's degemmerrewgh y'n Arloedh, dell dhelledh dhe'n syns, ha sevel rygdhi yn pypynag a's teffo edhomm anodho, rag hi re beu gwithyades dhe lies ha dhymmo vy ynwedh.

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 14:33

Rag Duw nyns yw Duw a dheray mes a gres. Kepar hag yn oll eglosyow an syns,

1 Korinthianys 16:1

Lemmyn a-dro dhe guntell an rohow rag an syns: par dell erghis vy dhe'n eglosyow a Galatia, yndella gwrewgh hwi ynwedh.

1 Korinthianys 6:5

Hemma a lavarav rag gorra meth ynnowgh! A nyns eus yn agas mysk unn den skentel lowr neb a yll breusi ynter an vreder?

Efesianys 1:1

Powl, abostol Krist Yesu dre volonjedh Duw, Dhe'n syns usi yn Efesus yw lel yn Krist Yesu:

Filippianys 1:1

1 Powl ha Timothi, gwesyon Krist Yesu, Dhe oll an syns yn Krist Yesu usi yn Filippi gans an epskobow ha'n dhyagonyon:

Filippianys 4:22

An syns oll a'gas dynnergh, dres oll an re usi yn mayni Sesar.

Kolossianys 1:2

Dhe'n syns ha dhe'n vreder lel yn Krist yn Kolosse: Gras dhywgh hwi ha kres dhiworth Duw agan Tas.

Ebrowyon 13:24

Salusewgh agas hembrenkysi ha'n syns oll. An re a Itali a'gas salus.

Lyther Yud 1:3

Hwi garadowyon, ha genev mall dres eghenn a skrifa dhywgh a-dro dh'agan selwyans kemmyn, res o dhymm skrifa dhywgh ow pysi may striffyewgh a-barth an fydh re beu unnweyth kemmynnys dhe'n syns.

1 Samuel 16:2

Ha Samuel a leveris, ‘Fatell allav mos? Mar klewva Sowl anodho, ev a'm ladhsa.’ Ha'n Arloedh a leveris, ‘Kemmer lejek genes, ha lavar, “My re dheuva dhe sakrifia dhe'n Arloedh.”