Oberow 8:40 - An Bibel Kernewek 20234 (Kernewek Kemmyn)

⁴⁰ Mes Felip a veu kevys yn Azotus, hag ow mos dres an pow ev a bregowthas an aweyl y'n sitys oll bys pan dheuth dhe Sesarea.

Oberow 8:40 Iomraidhean Croise

Zekaria 9:6

Pobel gemmyskreydh a wra annedhi Ashdod, ha my a dregh dhe-ves goeth an Filistysi.

Oberow 10:1

Lemmyn yth esa unn gour yn Sesarea henwys Kornelius, penn-kangour an kohort Italek, dell o henwys,

Oberow 10:24

Ternos ev a entras yn Sesarea. Yth esa Kornelius orth aga gortos hag ev re alwsa war-barth y gerens ha'y gowetha nessa.

Oberow 11:11

Hag otta, hware, tri gour a sevis a-rag an chi mayth esen vy, dannvenys dhymm dhiworth Sesarea.

Oberow 12:19

Ha pan y'n hwilas Herod heb y gavoes, ev a hwithras an withysi ha gorhemmynna may fens gorrys dhe'n mernans; hag ev eth yn-nans dhiworth Yudi dhe Sesarea ha gortos ena.

Oberow 18:22

Pan dhothya dhe Sesarea, ev eth yn-bann ha salusi an eglos, hag ena ev eth yn-nans dhe Antiogh,

Oberow 21:16

Ha re a'n dhyskyblon a Sesarea eth genen ynwedh, orth agan hembronk dhe ji Mnason, den a Kyprus, dyskybel dhiworth an dalleth, may trikken ganso.

Oberow 21:8

Ha ternos ni eth yn-rag ha dos dhe Sesarea, ha ni eth yn chi Felip an aweyler, onan a'n seyth, ha triga ganso.

Oberow 23:23

Ena ow kelwel dew a'n bennow-kangour, ev a leveris, ‘Darbarewgh dew kans souder, gans deg marghek ha tri-ugens, ha dew kans guwwas, mayth ellons bys yn Sesarea yn tressa eur an nos,

Oberow 23:33

Pan entersons yn Sesarea i a ros an lyther dhe'n governour hag ynwedh dri Powl a-ragdho.

Oberow 25:1

Tri dydh wosa y dhevedhyans yn ranndir, Festus eth yn-bann dhe Yerusalem dhiworth Sesarea,

Oberow 25:13

Ha pan o passys niver a dhydhyow, myghtern Agrippa ha Bernike a dheuth dhe Sesarea rag salusi Festus.

Oberow 25:4

Gans henna Festus a worthybis y fedha Powl synsys yn Sesarea, hag yth ervira ev y honan mos di a verr spys.

Oberow 25:6

Wosa ev dhe wortos yn aga mysk namoy es eth po deg dydh, ev eth yn-nans dhe Sesarea; ha ternos ev a esedhas y'n barr ha gorhemmynna may fe Powl dres.

Oberow 8:25

Ena wosa doen dustuni ha kewsel ger an Arloedh, i a dhehwelis dhe Yerusalem, ow pregoth an aweyl yn lies tre a'n Samaritanys.

Oberow 9:30

Mes pan wodhva an vreder, i a'n dros yn-nans dhe Sesarea ha'y dhannvon yn-rag dhe Tarsus.

Romanyon 15:19

dre alloes toknys ha marthusyon, dre alloes Spyrys Duw, bys may hyllyn kowlwul pregoth aweyl Yesu Krist dhiworth Yerusalem hag yn kylgh bys yn Illyrikum,

Yoshua 11:22

Nyns esa gesys an Anakim yn tir an Ysraelysi, mes nebes a veu gesys yn Gaza, yn Gath, hag yn Ashdod.

1 Samuel 5:1

Wosa an Filistysi dhe gemmeres argh Duw, i a's dros dhiworth Ebenezer dhe Ashdod.