Oberow 8:39 - An Bibel Kernewek 20234 (Kernewek Kemmyn)

³⁹ Ha pan dheuthons yn-bann mes a'n dowr, Spyrys an Arloedh a gachyas Felip dhe-ves; ny'n gwelas an spadhesik na fella, hag ev eth y'n fordh yn unn lowenhe.

Oberow 8:39 Iomraidhean Croise

1 Myghternedh 18:12

Kettell vydhav gyllys ahanas, spyrys an Arloedh a'th teg ny wonn py le; ytho pan dhov ha leverel dhe Ahab ha ny yll ev dha gavoes, ev a'm ladh. Dha was re borthas own a'n Arloedh a-dhia'm yowynkneth.

2 Myghternedh 2:16

I a leveris dhodho, ‘Otta lemmyn, yma gans dha wesyon hanter-kans gour krev. Gas dhedha mos, ni a'th pys, rag hwilas dha vester, rag own Spyrys an Arloedh re'n synsis yn-bann ha'y dewlel war neb menydh, po yn neb nans.’ Hag ev a leveris, ‘Na's dannvenowgh.’

Salmow 119:111

My re gemmeras dha dhustuniow yn ertach bys vykken, rag lowena ow holonn yns i.

Salmow 119:14

My re lowenhas yn fordhow dha dhustuniow kemmys hag yn kevoeth pub oll.

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ezekiel 11:1

Ena an spyrys a'm drehevis ha'm dri dhe yet est chi an Arloedh, a vir troha'n est. Hag otta, orth an yet yth esa pymp gour warn ugens, ha my a welas yn aga mysk Yaazania mab Azzur, ha Pelatia mab Benaya, pennsevigyon an bobel.

Ezekiel 11:24

An Spyrys a'm drehevis ha'm dri dhe'n dhivresow yn Kaldea y'n welesigeth yn Spyrys Duw. Ena an welesigeth a welsen a yskynnas dhiworthiv.

Ezekiel 37:1

Yth esa warnav leuv an Arloedh, hag ev a'm dug mes yn spyrys an Arloedh, ha'm settya yn kres an nans; y feu leun a eskern.

Ezekiel 43:5

Ena an spyrys a'm drehevis ha'm dri dhe'n klos a-bervedh; hag otta, glori an Arloedh a lenwis an tempel.

Ezekiel 8:3

Ev a ystynnas furv leuv ha'm kemmeres er kudynn a wols ow fenn. An spyrys a'm drehevis ynter an nor ha'n nev, ha'm dri dhe Yerusalem yn gwelesigethow Duw, dhe dharas an yet a-bervedh, a vir troha'n gledhbarth, ple'th esa imaj an avi, a brovok dhe avi.

Matthew 13:44

‘Arta, haval yw gwlaskor nev dhe dresor kelys yn gwel, ha den pan y'n kavas, a'n kudhas, hag yn y lowender, yth eth dhe wertha oll y byth ha prena an gwel na.

Matthew 3:16

Ha Yesu pan o besydhys a sevis yn-bann yn-mes a'n dowr dihwans; hag otta, an nevow a veu igerys dhodho, hag ev a welas Spyrys Duw ow tiyskynna avel kolomm hag ow tos warnodho;

Mark 1:10

Ha kettell dheuth yn-bann yn-mes a'n dowr, ev a welas an nevow terrys igor, ha'n Spyrys kepar ha kolomm ow tiyskynna warnodho;

Oberow 13:52

Ha'n dhyskyblon a veu lenwys a lowena hag a'n Spyrys Sans.

Oberow 16:34

Ev a's dros yn-bann dh'y ji ha gorra boes a-dheragdha, hag ev hag oll y vayni a lowenhas y tothya ev ha bos kryjyk yn Duw.

Oberow 8:29

Hag yn-medh an Spyrys dhe Felip, ‘Ke, gwra nesa ha junya gans an charett ma.’

Oberow 8:38

Ena ev a worhemmynnis mayth hettha an charett, hag i eth yn-nans y'n dowr aga dew, ha Felip ha'n spadhesik, hag ev a'n besydhyas.

Oberow 8:8

hag yth esa meur a lowena y'n sita na.

Romanyon 5:2

ma'gan beus dredho entra dre fydh dhe'n gras may sevyn ynno ha ni a vost yn agan govenek may kevrennyn golewder Duw.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Jamys 4:16

Mes lemmyn hwi a vost yn agas goeth. Oll bostya a'n par na yw drog.