Oberow 8:27 - An Bibel Kernewek 20234 (Kernewek Kemmyn)

²⁷ Ytho ev a sevis ha mos. Hag otta, gour a Ethiopia, spadhesik, lyswas Kandake, myghternes tus Ethiopia, dhe neb esa charj dres hy thresor oll, re dhothya dhe Yerusalem rag gordhya,

Oberow 8:27 Iomraidhean Croise

1 Myghternedh 10:1

Pan glewas myghternes Sheba a vri Solomon (bri drefenn hanow an Arloedh), hi a dheuth dh'y brevi gans govynnow kales.

Salmow 68:29

A-barth dha dempel yn Yerusalem myghternedh a dhre rohow dhiso jy.

Salmow 68:31

Pennsevigyon a dheu yn-mes a Ejyp; Ethiopia a fysk dhe ystynn hy diwleuv dhe Dhuw.

Salmow 87:4

My a venek Rahab ha Babylon orth an re a'm aswonn; a-dro dhe Filistia ha Tyr hag Ethiopia y leverir, ‘Hemma a veu genys ena.’

Ysay 18:7

Y'n termyn na rohow a vydh dres dhe Arloedh an luyow dhiworth pobel hir ha leven, dhiworth pobel ownys ogas ha pell, kenedhel grev a drett yn-dann dreys, mayth yw y wlas rynnys gans avonyow; i a's dre dhe dyller hanow Arloedh an luyow, dhe venydh Sion.

Ysay 43:6

My a lever dhe'n gledhbarth, ‘Daskorr i!’ ha dhe'n dhyghowbarth, ‘Na wra aga lesta! Dro ow mebyon a'n pellder ha'm myrghes a benn an norvys,

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 60:3

Kenedhlow a dheu dhe'th wolow, ha myghternedh dhe splannder dha howldrevel.

Ysay 60:6

Bush bras a gowrvergh a'th kudh, kowrvergh yowynk dhiworth Midyan hag Efa; i oll a dheu dhiworth Sheba; owr ha frankynkys a dhegons, ha disklerya gormola an Arloedh.

Ysay 66:19

My a sett tokyn yn aga mysk, ha dannvon re a'n dhiankoryon anedha dhe'n kenedhlow, dhe Tarshish, dhe Put, ha dhe Lud, an re a denn an warak, dhe Tubal ha Yavan, an ynysow pell, na glewsons son ahanav, na weles ow glori; hag i a dhiskler ow glori yn mysk an kenedhlow.

Yeremia 13:23

A yll an Ethiopyas chanjya y groghen, po an lewpard y vryghi? Ytho a yllowgh hwi ynwedh gul da, yw usys dhe wul drog?

Yeremia 38:7

Hag Ebed-melek, an Ethiopek, onan an spadhesigyon yn chi an myghtern, a glewas i dhe worra Yeremia y'n dhorvagh. Yth esa an myghtern owth esedha yn Yet Benyamin,

Yeremia 39:16

Ke ha kewsel dhe Ebed-melek an Ethiopek, ow leverel, Yndellma y lever Arloedh an luyow, Duw Ysrael: Otta, my a dhre ow ger war an sita ma rag drog, a-der rag da, hag i a vydh kollenwys a-ragowgh y'n jydh na.

Sefania 3:10

A-dhiworth tu arall avonyow Ethiopia an dus a'm wordh, myrgh ow thus skattrys, a dhre dhymm ow offrynn.

Matthew 12:42

Myghternes an dhyghowbarth a sev y'n vreus gans an henedh ma ha'y dhampnya, rag hi a dheuth dhiworth pennow an bys dhe glewes furneth Solomon, hag ottomma neppyth yw moy ages Solomon.

Yowann 12:20

Yth esa Grekys yn mysk an re esa ow tos yn-bann dhe wordhya y'n goel.

Oberow 8:28

hag yth esa ow tehweles, esedhys yn y jarett, hag ow redya an profoes Ysay.

Dewteronomi 30:13

Ha nyns usi dres an mor, rag may leverri, ‘Piw a dremen dres an mor ragon ha'y gemmeres ragon, rag ma'n goslewyn, ha'y wul?’

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.