Oberow 8:12 - An Bibel Kernewek 20234 (Kernewek Kemmyn)

¹² Mes pan gryssons i dhe Felip hag ev ow pregoth a-dro dhe wlaskor Duw ha hanow Yesu Krist, besydhys vons, ha gwer ha benynes.

Oberow 8:12 Iomraidhean Croise

Matthew 28:19

Ewgh ytho ha gwra dhe oll an kenedhlow bos dyskyblon, orth aga besydhya yn hanow an Tas, ha'n Mab, ha'n Spyrys Sans,

Luk 9:2

hag ev a's dannvonas yn-mes dhe bregoth gwlaskor Duw, ha dhe yaghhe an glevyon,

Luk 9:60

Mes ev a leveris dhodho, ‘Gas dhe'n re varow ynkleudhyas aga thus varow aga honan; mes ty, ke dhe bregoth gwlaskor Duw.’

Oberow 1:3

dhedha ynwedh ev a omdhiskwedhas yn few dre lies prov wosa ev dhe wodhevel, dres dew-ugens dydh owth omdhiskwedhes dhedha hag ow kewsel a-dro dhe wlaskor Duw;

Oberow 11:20

Mes rann anedha o gwer Kyprus ha Kyrene neb a dheuth dhe Antiogh ha kewsel orth an Hellenistyon ynwedh, ow pregoth an Arloedh Yesu.

Oberow 18:8

Lemmyn Krispus, rewler an synaga, ha ganso oll y vayni, a grysis y'n Arloedh, ha meur a dus Korinth, pan glewsons, a grysis hag a veu besydhys.

Oberow 19:5

Pan glewsons hemma, i a veu besydhys yn hanow an Arloedh Yesu.

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 2:41

Ytho, an re a wolkommas y er a veu besydhys, hag y'n jydh na y feu keworrys a-dro dhe dri mil a enevow;

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 20:25

‘Ha lemmyn otta, my a woer na vydh nagonan ahanowgh ow kweles ow fas na fella, mayth yth vy a-derdro yntredhowgh ow pregoth an wlaskor.

Oberow 28:31

ow pregoth gwlaskor Duw hag ow tyski an taklow a-dro dhe'n Arloedh Yesu Krist, gans pub hardhder ha heb lett.

Oberow 5:14

Ha moy a gryjygyon a veu keworrys dhe'n Arloedh, niverow bras hag a wer hag a venynes.

Oberow 8:4

Lemmyn an re a veu skattrys eth a-derdro, ow pregoth an ger.

Romanyon 10:10

Rag gans kolonn y krysir dhe ewnder ha gans ganow y konfessir dhe selwyans.

1 Korinthianys 11:11

Byttegyns y'n Arloedh naneyl benyn ny sev heb gour, na gour heb benyn;

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,