Oberow 7:5 - An Bibel Kernewek 20234 (Kernewek Kemmyn)

⁵ Hwath ny ros dhodho eretons ynno, na kyn fe troesla, mes ev a dhedhewis y ri rag perghennogeth dhodho ev ha dh'y henedh war y lergh, kyn nag esa flogh dhodho.

Oberow 7:5 Iomraidhean Croise

Jenesis 12:7

Ha'n Arloedh a omdhiskwedhas dhe Abram ha leverel dhodho, ‘My a vynn ri an tir ma dhe'th has jy.’ Ytho ev a dhrehevis alter dhe'n Arloedh neb a omdhiskwedhas dhodho.

Jenesis 13:15

Rag my a re oll an tir a welydh dhiso jy ha dhe'th has bys vykken.

Jenesis 15:18

An keth jydh na an Arloedh a wrug kevambos gans Abram, ow leverel, ‘My re ros an tir ma dhe'th has, dhiworth avon Ejyp bys y'n avon vras, an avon Ewfrates,

Jenesis 16:2

Hag yn-medh Saray dhe Abram, ‘Otta lemmyn, an Arloedh re'm lettyas na gavav flogh. My a'th pys, ke a-bervedh dhe'm maghteth. Martesen y hwyrvydh my dhe gavoes fleghes dredhi hi.’ Hag Abram a woslowas orth lev Saray.

Jenesis 17:8

Ha my a re dhis, ha dhe'th has war dha lergh, an pow mayth esos ow kodriga ynno, oll an tir a Kanan dh'y berghenna bys vykken, ha my a vydh aga Duw.’

Jenesis 23:4

‘My yw alyon ha godriger yn agas mysk; grontyewgh dhymm perghennogeth rag ynkleudhva genowgh, may hylliv ynkleudhyas an korf mes a'm golok.’

Jenesis 26:3

Trig y'n pow ma ha my a vydh genes ha'th venniga, rag dhiso jy ha dhe'th has my a vynn ri oll an powyow ma. My a gollenow an ti a dos dhe Abraham dha das.

Nehemia 9:8

ha ty a gavas y golonn lel a-dheragos ha gul an kevambos ganso dhe ri dh'y has tir an Kananysi, an Hittysi, an Amorysi, an Perizzysi, an Yebusysi ha'n Girgashysi. Ty re geweras dha eryow, rag gwiryon os.

Ezekiel 33:24

Mab den, an re trigys y'n magoryow na yn pow Ysrael a lever, ‘Abraham o onan hag ev a eritas an tir, mes ni yw lies, dhyn ni re beu an tir res avel eretons.’

Dewteronomi 10:11

Ena an Arloedh a leveris dhymm, ‘Sav ha ke y'th kerdh a-rag an bobel, rag mayth ellons hag erita an tir a des dh'aga thasow y ri dhedha.’

Dewteronomi 11:9

rag may hirhahowgh agas dydhyow war an tir a dos an Arloedh dh'agas tasow y ri dhedha, ha dh'agas has, tir a dhinwa leth ha mel.

Dewteronomi 2:5

Na entrewgh yn kas gansa; rag ny rov dhywgh travyth a'ga thiredh, hwath lowr rag trettya godhen troes, rag my re ros menydh Seir dhe Esaw avel eretons.

Dewteronomi 34:4

Ena an Arloedh a leveris dhodho, ‘Hemm yw an tir a des dhe Abraham, dhe Ysak, ha dhe Yakob, ow leverel, “My a'n re dhe'th has.” My re asas dhis y weles gans dha dhewlagas dha honan, mes ny dreusydh di.’

Dewteronomi 9:5

Nyns yw drefenn dha ewnder, na drefenn ewnhynseth dha golonn, yth esos ow tos dhe erita aga thir; mes yth yw drefenn sherewynsi an kenedhlow ma y hwra an Arloedh dha Dhuw aga fesya a-ragos, rag may fastyo an ger a dos an Arloedh dhe'th tasow, dhe Abraham, dhe Ysak, ha dhe Yakob.