Oberow 7:44 - An Bibel Kernewek 20234 (Kernewek Kemmyn)

⁴⁴ ‘Yth esa dh'agan tasow tylda an dustuni y'n gwylvos dell erghis ev neb a leveris dhe Moyses, may fe gwrys war-lergh an patron re welsa.

Oberow 7:44 Iomraidhean Croise

1 Kroniklys 28:11

Davydh a ros dhe Solomon y vab an towl rag portal an tempel ha'y dhrehevyansow, y dresorvaow, y jambouryow gwarthav, y jambouryow pervedhel ha chi an dregeredhva;

1 Kroniklys 28:19

‘Oll hemma,’ yn-medh Davydh, ‘my a'm beus yn skrif dhiworth leuv an Arloedh warnav, hag ev a ros dhymm konvedhes yn oll manylyon an towl.’

2 Kroniklys 24:6

Ytho an myghtern a elwis Yehoyada an penn, ha leverel dhodho, ‘Prag na wrussys dhe'n Levysi dri dhiworth Yuda ha dhiworth Yerusalem an doll a veu tollys gans Moyses, gwas an Arloedh, war bobel Ysrael rag tylda an dustuni?’

Eksodus 25:40

Ha gwayt aga gul war-lergh an patron ragdha, a veu diskwedhys dhis war an menydh.

Eksodus 26:30

Ha ty a wra drehevel an tabernakel herwydh an ragdho re beu diskwedhys dhis war an menydh.

Eksodus 27:8

Ty a's gwra kow, gans plenkys; dell veu diskwedhys dhis war an menydh, yndella y fydh gwrys.

Eksodus 38:21

Homm yw rol taklow an tabernakel, tabernakel an dustuni, dell vons reknys orth gorhemmynn Moyses, rag ober an Levysi yn-dann gevarwoedhyans Ithamar mab Aron an oferyas.

Niverow 10:11

Y'n nessa blydhen, y'n nessa mis, yn ugensves dydh an mis, an gommolenn a veu kemmerys yn-bann a-ugh tabernakel an dustuni.

Niverow 18:2

Ha genes doro dha vreder ynwedh, loeth Levi, loeth dha das, may hallons junya genes, ha menystra dhis pan vydhydh ty, ha'th vebyon genes, a-rag tylda an dustuni.

Niverow 9:15

Y'n jydh may feu sevys an tabernakel, an gommolenn a gudhas an tabernakel, tylda an dustuni; ha dhe'n gorthugher yth esa a-ugh an tabernakel kepar ha semlans tan bys y'n myttin.

Ebrowyon 8:2

menyster y'n sentri ha'n gwir dabernakel, nag yw drehevys gans den mes gans an Arloedh.

Ebrowyon 8:5

I a serv yn ensampel ha skeus a'n sentri nevek; rag pan o Moyses parys dhe dhrehevel an tabernakel, gwarnys veu gans Duw, ow leverel, ‘Gwith may hwrylli pup-tra herwydh an patron a veu diskwedhys dhis war an menydh.’

Yoshua 18:1

Oll kuntelles mebyon Ysrael a omguntellas yn Shilo, ha settya ena tylda an kuntelles. Ha'n tir a veu fethys a-ragdha.

Yoshua 3:14

Ytho pan eth an bobel yn-rag dhiworth aga thyldow dhe dreusi an Yordan, an oferysi esa ow toen argh an kevambos eth a-rag an bobel.