Oberow 7:34 - An Bibel Kernewek 20234 (Kernewek Kemmyn)

³⁴ My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Oberow 7:34 Iomraidhean Croise

Jenesis 11:5

Ha'n Arloedh a dhiyskynnas dhe weles an sita ha'n tour esa mebyon den orth aga drehevel.

Jenesis 11:7

Dewgh, gwren ni diyskynna ha kemmyska aga yeth ma na wodhvons konvedhes an eyl yeth y gila.’

Jenesis 18:21

my a dheu yn-nans dhe weles mar kwrussons i yn tien war-lergh an arm re dheuth dhymmo; ha mar ny wrussons, my a'n goer.’

Nehemia 9:9

‘Ha ty a welas galar agan tasow yn Ejyp ha klewes aga kri ryb an Mor Rudh,

Salmow 105:26

Ev a dhannvonas Moyses y was, hag Aron neb re dhewissa ev.

Salmow 106:44

Byttegyns ev a welas aga anken pan woslowas ev orth aga garm.

Salmow 144:5

Gwra dhe'th nevow plegya dhe'n dor, A Arloedh, ha diyskynn; toch an menydhyow, ha megi a wrons.

Eksodus 3:14

Duw a leveris dhe Moyses, ‘my yw neb yth ov vy.’ Hag y leveris, ‘Lavar hemma dhe vebyon Ysrael, “my yw re'm dannvonas dhywgh.” ’

Eksodus 4:31

Ha'n bobel a grysis; ha pan glewsons an Arloedh dhe wul vri a vebyon Ysrael ha gweles aga galar, i a omblegyas ha gordhya.

Ysay 64:1

Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Hosea 12:13

Ha dre brofoes an Arloedh a dhros Ysrael mes a Ejyp, ha dre brofoes y feu gwithys saw.

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Yowann 3:13

Ha ny yskynnas denvyth bys yn nev marnas ev neb a dheuth yn-nans, Mab an den.

Yowann 6:38

Rag nyns ov vy devedhys yn-nans dhiworth nev dhe wul ow bolonjedh ow honan, marnas bolonjedh neb a'm dannvonas.

Breusysi 2:18

Peskweyth may trehevi an Arloedh breusysi ragdha, yth esa an Arloedh gans an breusyas, hag ev a wre aga sawya dhiworth diwla aga eskerens oll dydhyow an breusyas; rag an Arloedh a gemmeri truedh drefenn aga hanasa dre reson an re a wre aga duwenhe ha'ga gwaska.