Oberow 7:16 - An Bibel Kernewek 20234 (Kernewek Kemmyn)

¹⁶ hag a veu degys dhe Shekem ha gorrys y'n bedh a brenas Abraham a bris arghans dhiworth mebyon Hamor yn Shekem.

Oberow 7:16 Iomraidhean Croise

Jenesis 23:16

Hag Abraham a woslowas orth Efron, hag Abraham a boesas dhe Efron an arghans re lavarsa yn klewans mebyon Heth, peswar shekel a arghans war-lergh usadow an varchons.

Jenesis 23:4

‘My yw alyon ha godriger yn agas mysk; grontyewgh dhymm perghennogeth rag ynkleudhva genowgh, may hylliv ynkleudhyas an korf mes a'm golok.’

Jenesis 35:19

Ha Raghel a verwis hag a veu ynkleudhys y'n fordh dhe Efrath, henn yw Bethlehem.

Jenesis 47:30

My a vynn growedha gans ow thasow. Dog vy yn-bann mes a Ejyp ha'm ynkleudhyas yn aga bedh i.’ Hag ev a leveris, ‘My a wra war-lergh dha er.’

Jenesis 50:12

Ytho y vebyon a wrug ragdho par dell wrussa erghi dhedha.

Jenesis 50:13

Ha'y vebyon a'n dug yn-bann dhe bow Kanan, ha'y ynkleudhyas yn kav gwel Makpela a wrug Abraham y brena gans an gwel avel perghennogeth rag ynkleudhva, dhiworth Efron an Hittyas, a-dherag Mamre.

Eksodus 13:19

Ha Moyses a gemmeras ganso eskern Yosep; rag Yosep re wrussa dhe vebyon Ysrael gul ti, ow leverel, ‘Duw yn sur a wra agas visitya; ha hwi a dal doen ow eskern genowgh alemma.’

Yoshua 24:32

Eskern Yosep, a wrug an Ysraelysi aga dri yn-bann yn-mes a Ejyp, i a ynkleudhyas yn Shekem, yn splatt an tir a wrug Yakob y brena gans kans bath a vona; ev a dheuth ha bos eretons dhe vebyon Yosep.