Oberow 6:6 - An Bibel Kernewek 20234 (Kernewek Kemmyn)

⁶ I a settyas an re ma a-dherag an abesteli, hag i a bysis ha gorra aga diwla warnedha.

Oberow 6:6 Iomraidhean Croise

Niverow 27:18

Ha'n Arloedh a leveris dhe Moyses, ‘Kemmer Yoshua mab Nun, gour ynno may ma an spyrys, ha gorra dha leuv warnodho;

Niverow 8:10

Pan dhredh an Levysi a-rag an Arloedh, mebyon Ysrael a worr aga diwleuv war an Levysi.

Mark 5:23

hag a'n pysis yn fen, ow leverel, ‘Yma ow myrgh vyghan yn eneworres; my a'th pys a dhos ha gorra dha dhiwla warnedhi, may fo sawys, ha bewa.’

Oberow 1:24

I a bysis ha leverel, ‘Ty, Arloedh, neb a aswonn kolonnow tus oll, diskwa pyneyl re dhewissys

Oberow 13:3

Ytho pan benyssens ha pysi i a worras aga diwla warnedha ha'ga dannvon yn-kerdh.

Oberow 19:6

Ha Powl ow korra y dhiwla warnedha, an Spyrys Sans a dheuth warnedha, hag i a dhallathas kewsel yn tavosow ha profoesa.

Oberow 8:17

Ena i a worras aga diwla warnedha, hag i a dhegemmeras an Spyrys Sans.

Oberow 9:12

hag ev re welas yn hunros gour henwys Ananias ow tos a-ji hag ow korra y dhiwla warnodho, may hwello arta.’

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’

Dewteronomi 34:9

Ha Yoshua mab Nun o lenwys a'n spyrys a furneth, drefenn Moyses dhe worra y dhiwla warnodho; ytho mebyon Ysrael a woslowas orto ha gul kepar dell worhemmynnis an Arloedh dhe Moyses.

1 Timothi 4:14

Na wra dispresya an ro usi ynnos a veu res dhiso dre brofoesans gans gorra diwla an henavogyon warnas.

1 Timothi 5:22

Na worr diwla yn uskis war dhenvyth, ha na gemmer rann yn peghadow tus erell. Gwra omwitha dha honan glan.

2 Timothi 1:6

Rakhenna, y kovhav dhis may hwytthi flamm ro Duw, usi ynnos dre worra ow diwla.

Ebrowyon 6:2

gans dyskans a-dro dhe vesydhyansow, gorrans diwleuv, dasserghyans an re varow, ha breus bys vykken.