Oberow 6:14 - An Bibel Kernewek 20234 (Kernewek Kemmyn)

¹⁴ Rag ni re'n klewas ow leverel y hwra an Yesu ma a Nazareth distrui an tyller ma ha chanjya an usyow a ros Moyses dhyn.’

Oberow 6:14 Iomraidhean Croise

Ysay 65:15

Hwi a as agas hanow avel molleth dhe'm re dhewisys; ha'n Arloedh Duw a'th ladh; mes ev a elow y servysi gans ken hanow.

Yeremia 26:12

Ena Yeremia a gewsis dhe'n bennsevigyon oll ha dhe'n bobel oll, ow leverel, ‘An Arloedh a'm dannvonas dhe brofoesa erbynn an chi ma ha'n sita ma oll an geryow re glewsowgh.

Yeremia 26:18

‘Mika a Moreseth a brofoesas yn dydhyow Hezekia myghtern Yuda, ha kewsel orth oll pobel Yuda, ow leverel, “Yndellma y lever Arloedh an luyow, Sion a vydh erys avel park, ha Yerusalem a vydh bern a vagoryow, ha menydh an chi avel tylleryow ughel a goeswik.”

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Mika 3:12

Rakhenna, a-barth dhywgh hwi, Sion a vydh erys par ha gwel; Yerusalem a dheu ha bos bern a vagoryow, Arloedh ha menydh an chi a vydh drumm gwydhyel.

Zekaria 11:1

Igor dha dharasow, a Lebanon, rag may tevorryo tan dha gederwydh!

Zekaria 14:2

My a wra kuntell oll an kenedhlow erbynn Yerusalem rag kas; ha'n sita a vydh kemmerys, ha'n chiow pyllys, ha'n benynes defolys. Hanter an sita a dheu yn divroedh, mes an remenant ny vydh treghys dhe-ves dhiworth an sita.

Matthew 26:61

neb a leveris, ‘An den ma a leveris, “My a yll distrui tempel Duw ha'y dhastrehevel kyns penn trydydh.” ’

Mark 14:58

‘Ni a'n klewas ow leverel, “My a wra diswul an tempel ma re beu gwrys gans diwla ha kyns penn trydydh my a dhrehav onan arall, gwrys heb diwla.” ’

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Luk 21:6

‘An taklow a welowgh – dydhyow a dheu pan na vydh gesys men war ven, na vydh tewlys dhe'n dor.’

Yowann 2:19

Yesu a worthybis ha leverel dhedha, ‘Diswrewgh an tempel ma, ha kyns penn trydydh my a'n drehav.’

Yowann 4:21

Yesu a leveris dhedhi, ‘Krys dhymm, benyn, an eur a dheu pan na wordhyowgh an Tas nag y'n menydh ma nag yn Yerusalem.

Oberow 15:1

Mes niver a wer a dheuth yn-nans dhiworth Yudi ha dyski dhe'n vreder, ‘Marnas hwi a vo trodreghys war-lergh usadow Moyses, ny yllowgh bos selwys.’

Oberow 21:21

hag a-dro dhis y feu derivys dhedha ty dhe dhyski oll an Yedhewon trigys yn mysk an Jentilys nagh a Moyses, ow leverel dhedha ma na drodrogghens an fleghes na kerdhes herwydh an devosow.

Oberow 25:8

Ena Powl a wrug y dhefens: ‘Kammenn na beghis vy erbynn lagha an Yedhewon nag erbynn an tempel nag erbynn Sesar.’

Oberow 26:3

dres oll drefenn bos meur dha skians yn pub usadow ha disputyans a'n Yedhewon. Rakhenna my a'th pys a woslowes orthiv gans perthyans.

Oberow 28:17

Dell hwarva, wosa tri dydh, ev a elwis war-barth ledyoryon an Yedhewon; ha pan omguntellsens ev a leveris dhedha, ‘Breder, kyn na wrussen vy travyth erbynn an bobel na hengovyow an tasow, daskorrys veuv yn Yerusalem, prisner dhe'n Romanyon.

Galatianys 3:19

Prag ytho an lagha? Keworrys veu drefenn drogoberow, erna dheffo an hasenn may feu gwrys dhedhi an ambos, ordenys der eledh, yn leuv mayn.

Galatianys 3:23

Kyns bos fydh devedhys, yth eson ni gwithys yn-dann lagha, prisonys bys pan ve an fydh diskudhys wortiwedh,