Oberow 6:11 - An Bibel Kernewek 20234 (Kernewek Kemmyn)

¹¹ Ena i a vovyas gwer yn-dann gel dhe leverel, ‘Ni re'n klewas ow kewsel geryow blasfemus erbynn Moyses ha Duw.’

Oberow 6:11 Iomraidhean Croise

Eksodus 23:1

Ny wredh leverel fals dherivas. Na worr dha leuv gans tebelwas, dhe vos fals dhustunier.

Yeremia 26:11

Ena an oferysi ha'n brofoesi a gewsis dhe'n bennsevigyon ha dhe oll an bobel, ow leverel, ‘An gour ma a dhervynn an mernans drefenn ev dhe brofoesa erbynn an sita ma, dell glewsowgh gans agas skovornow agas honan.’

Yeremia 37:13

Ha pan esa ev orth Yet Benyamin, yth esa goelyador ena, henwys Yriya mab Shelemia mab Hanania, hag ev a dhalghennas Yeremia an profoes ow leverel, ‘Yth esos ow kilfia dhe'n Kaldeanys.’

Levitikus 24:16

Ha neb a vlasfem hanow an Arloedh a vydh gorrys dhe'n mernans yn sur; oll an kuntelles a'n labydh yn sur; an alyon ha'n genesik maga ta, pan volleth an Hanow, a vydh gorrys dhe'n mernans.

Yowann 1:17

rag an lagha a veu res dre Moyses; gras ha gwirder a dheuth dre Yesu Krist.

Yowann 16:3

Ha hemma a wrons rag ny aswonnsons naneyl an Tas na my.

Yowann 9:29

Ni a woer, Duw dhe gewsel dhe Moyses, mes an den ma, ny wodhon a-ble teuth.’

Oberow 15:21

Rag Moyses a-dhia henedhow koth a'n jeves an re neb a'n pregoth yn pub sita, ha lennys yw y'n synagys pub sabot.’

Oberow 18:6

Mes pan sevsons er y bynn ha kewsel blasfemi, ev a shakyas y dhillas ha leverel dhedha, ‘Re bo agas goes war agas penn agas honan; glan ov vy. Alemma rag, mos dhe'n Jentilys a wrav.’

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

Oberow 25:3

ow kovynn favour dhiworto, ma'n galwa dhe Yerusalem, rag yth esens ow mynnes kontrewaytya rag y ladha y'n hyns.

Oberow 25:7

Pan dheuth ev, an Yedhewon re dhothya yn-nans dhiworth Yerusalem a sevis a-dro dhodho ha dri orto lies kuhudhans poes, na allsons previ.

Oberow 26:11

owth assaya aga ynnia dhe wul blasfemi; ha my a's kessydhyas yn fenowgh dres oll an synagys, hag y'm sorr konneryek er aga fynn my a's helghyas bys yn sitys estren.

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

Oberow 6:12

Hag i a ynnias war an bobel ha'n henavogyon ha'n skribys, hag i a dheuth dhodho ha'y dhalghenna ha'y ledya dhe'n konsel,

Oberow 6:13

hag i a dhros fals dhustunioryon, neb a leveris, ‘Ny hedh an den ma kewsel geryow erbynn an tyller sans ma ha'n lagha.

Romanyon 3:8

Ha prag na wrer drog rag may teffo da? – dell y'gan kuhudh nebes ni dhe leverel yn unn sklandra. Aga dampnya yw teg.

1 Timothi 1:13

kyn hwren vy blasfemya kyns, ha helghya, hag arvedh. Mes my a gavas tregeredh, rag my a wrug hemma heb godhvos, yn diskryjyans.