Oberow 5:4 - An Bibel Kernewek 20234 (Kernewek Kemmyn)

⁴ Hag ev heb y wertha, a ny veu dhiso jy, ha wosa y vos gwerthys, a ny veu an mona dhiso jy? Prag y tewlsys an ober ma y'th kolonn? Ny leversys gow dhe dus, mes dhe Dhuw.’

Oberow 5:4 Iomraidhean Croise

1 Kroniklys 29:17

My a woer, ow Duw, ty dhe brevi an golonn, ha dhe lowenhe yn ewnhynseth. Yn gwiryonsys ow holonn y res vy a'm bodh oll an taklow ma. Ha lemmyn my re welas dha bobel usi omma ow ri dhis a'ga bodh yn lowen.

1 Kroniklys 29:3

Gans henna, rag my dhe gavoes delit yn chi ow Duw, my re ros owr hag arghans dhiworth ow pyth ow honan, yn keworrans dhe oll re bareusis vy rag an chi sans:

1 Kroniklys 29:5

owr rag an ober a owr hag arghans rag an ober a arghans, ha rag oll an ober dhe vos gwrys gans kreftoryon. Ha piw ytho yw bolonjedhek, owth omsakra an jydh ma dhe'n Arloedh?’

1 Kroniklys 29:9

An dus a lowenhas, rag an rohow dhe vos res dhe'n Arloedh a'ga bodh hag a leun golonn. Myghtern Davydh ynwedh o pur lowen.

Job 15:35

I a gonsev dregynn, ha dineythi droktra, ha'ga thorr a dharbar toell.’

Salmow 139:4

Rag nyns eus ger war ow thaves heb ty, A Arloedh, dh'y wodhvos yn tien.

Salmow 7:14

Otta, ev yw torrek gans sherewneth; ev re gonsevyas dregynn, ha dineythi falsuri.

Eksodus 16:8

Ha Moyses a leveris, ‘Pan re an Arloedh dhywgh gorthugherweyth kig dhe dhybri ha myttinweyth bara dhe walgh, rag an Arloedh dhe glewes an krodhvolyow a grodhvolowgh warnodho – pyth on ni? Nyns yw agas krodhvolyow warnan ni mes war an Arloedh.’

Eksodus 35:29

An wer ha'n benynes oll, mebyon Ysrael, ha'ga holonn movyes dhe dhri neppyth rag an ober re worhemmynnsa an Arloedh dre leuv Moyses dhe vos gwrys, a'n dros avel aga offrynn bolonjedhek dhe'n Arloedh.

Ekklesiastes 5:5

Gwell yw na ambosydh ages gul ambos ha fyllel dhe attyli dhodho.

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Ezekiel 38:10

Yndellma y lever an Arloedh Duw: Y'n jydh na prederow a dheu y'th vrys, ha ty a bareus towlenn dhrog.

Niverow 16:11

Ytho yth yw erbynn an Arloedh ty ha'th kowetha oll dhe omguntell war-barth; pyth yw Aron may krodhvolydh warnodho?’

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Oberow 5:9

Yn-medh Peder dhedhi, ‘Prag y fewgh unnver dhe demptya Spyrys an Arloedh? Otta, treys an re neb re ynkleudhyas dha wour ymons orth an daras, hag i a wra dha dhoen jy yn-mes.’

1 Korinthianys 8:8

Boes ny wra agan kommendya dhe Dhuw; nyns on ni gweth mar ny dhybryn na gwell mar tybryn.

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

Filemon 1:14

mes ny vynnis gul travyth heb dha gummyas, ma na ve dha dhader konstrynys, mes a'th vodh.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.

1 Samuel 8:7

ha'n Arloedh a leveris dhe Samuel, ‘Goslow orth lev an bobel yn pup-tra a leverons dhis; rag ny'th skonsons jy, mes i re'm skonyas vy a vones myghtern warnedha.