Oberow 5:39 - An Bibel Kernewek 20234 (Kernewek Kemmyn)

³⁹ mes mars yw a Dhuw, ny yllowgh hwi aga distrui, na vowgh kevys yn tevri bos ow sevel erbynn Duw.’ Ytho i a obayas dhodho,

Oberow 5:39 Iomraidhean Croise

Jenesis 24:50

Ena Laban ha Bethuel a worthybis, ow leverel, ‘Devedhys yw hemma a'n Arloedh. Ny yllyn leverel travyth dhiso, na drog na da.

2 Samuel 5:2

Ynwedh yn termyn tremenys, pan o Sowl myghtern warnan, yth o ty neb a hembronka luyow Ysrael yn-mes ha'ga dri a-ji. Ha'n Arloedh a leveris dhis, “Ty a vydh bugel ow fobel Ysrael, ha ty a vydh rewler war Ysrael.” ’

1 Myghternedh 12:24

‘Yndellma y lever an Arloedh. Ny yskynnowgh dhe werrya erbynn agas breder an Ysraelysi. Es pubonan dhe dre, rag an dra ma yw a-dhiworthiv.’ Ytho i a woslowas orth ger an Arloedh ha mos arta dhe dre, herwydh ger an Arloedh.

2 Myghternedh 19:22

‘Piw a skornsys ha milliga? Piw yth trehevsys dha lev er y bynn ha drehevel dha dhewlagas yn woethus? Erbynn an Sans a Ysrael!

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Lavarow Koth 21:30

Nyns eus na furneth, na konvedhes na kusul a yll sevel erbynn an Arloedh.

Ysay 43:13

Ynwedh alemma rag my yw ev; nyns eus denvyth a yll delivra dhiworth ow dorn; my a ober ha piw a yll y lettya?

Ysay 45:9

Go-ev neb a striv orth y Wrier, priweyth orth an priweythor! A lever an pri dh'y formyer, ‘Pandr'a wredh?’ po ‘Nyns eus skovornow dhe'th ober’?

Ysay 46:10

ow tarleverel an diwedh a-dhia'n dalleth, hag a-dhia dermynyow koth taklow na veu hwarvedhys hwath, ow leverel, ‘Ow forpos a sev, ha my a wra oll ow bodh’,

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 11:17

Rakhenna mar ros Duw dhedha an keth ro kepar dell ros dhyn ni pan gryssyn y'n Arloedh Yesu Krist, piw en vy may hallen lettya Duw?’

Oberow 23:9

Hag yth esa garma bras, ha re a'n skribys yn bagas an Fariseow a sevis yn-bann ha kenkia yn krev, ‘Ny gevyn ni travyth kamm y'n den ma. Fatla mar kwrella spyrys po el kewsel orto.’

Oberow 6:10

mes ny allsons sevel erbynn an furneth ha'n Spyrys mayth esa ow kewsel.

Oberow 7:51

‘A hwi kales agas kilbenn, hag antrodreghys yn agas kolonn hag yn agas diwskovarn, pup-prys y sevowgh erbynn an Spyrys Sans, kepar dell wre agas tasow, yndella hwi ynwedh a wra.

Oberow 9:5

Yn-medh ev, ‘Piw osta, Arloedh?’ Hag ev a leveris, ‘My yw Yesu, neb a helghydh.

1 Korinthianys 1:25

Rag follneth Duw yw moy skentel ages skentoleth mab-den, ha gwannder Duw yw kreffa ages krevder mab-den.

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?