Oberow 5:34 - An Bibel Kernewek 20234 (Kernewek Kemmyn)

³⁴ Mes unn Farise y'n konsel henwys Gamaliel, dyskador a'n lagha hag enorys gans oll an bobel, a sevis yn-bann, hag erghi may fe an wer gorrys yn-mes termyn berr,

Oberow 5:34 Iomraidhean Croise

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Yeremia 26:16

Ena an bennsevigyon hag oll an bobel a leveris dhe'n oferysi ha dhe'n brofoesi, ‘Ny dhervynn an gour ma an mernans, rag ev re gewsis orthyn yn hanow an Arloedh agan Duw.’

Yeremia 26:17

Ena re a henavogyon a'n tir a sevis ha kewsel dhe oll kuntelles an bobel kuntellys, ow leverel,

Yeremia 36:25

Hwath pan ynnias Elnathan ha Delaya ha Gemaria war an myghtern ma na losko an rol-skrifa, ny vynna goslowes orta.

Luk 2:46

Ena wosa tri dydh, i a'n kavas y'n tempel, esedhys yn mysk an dhyskadoryon, ow koslowes orta hag ow kovynn orta;

Luk 5:17

Hag y hwarva yn onan a'n dydhyow na, hag ev ow tyski, yth esa Fariseow ha dyskadoryon an lagha a'ga esedh ena, devedhys a bub tre a Alile, hag a Yudi, hag a Yerusalem; hag yth esa galloes an Arloedh ganso dhe yaghhe.

Yowann 3:10

Yesu a worthybis ha leverel dhodho, ‘Osta dyskador dhe Ysrael ha ny wodhes an taklow ma?

Oberow 22:3

‘Yedhow ov vy, genys yn Tarsus yn Kilikia, mes meythrys y'n sita ma, dyskys orth treys Gamaliel, straght herwydh lagha agan tasow, diwysyk rag Duw kepar ha hwi oll hedhyw.

Oberow 4:15

Ytho, pan arghsens dhedha dhe vos yn-mes a'n konsel, i a omgusulyas an eyl gans y gila,

Oberow 5:21

Pan glewsons hemma, i a entras y'n tempel a-dro dhe vora, ha dyski. Lemmyn y teuth an arghoferyas ha'n re esa ganso, hag i a elwis an konsel hag oll an senedh a vebyon Ysrael, hag i a dhannvonas dhe'n prison may fens dres.

Oberow 5:27

I a's dros ha'ga gorra a-dherag an konsel; ha'n arghoferyas a wovynnas orta,

Oberow 5:35

hag yn-medh ev dhedha, ‘Gwer Ysrael, kemmerewgh with a'gas honan a-dro dhe'n pyth a vynnowgh dhe wul gans an dus ma.