Oberow 5:19 - An Bibel Kernewek 20234 (Kernewek Kemmyn)

¹⁹ Mes nosweyth el an Arloedh a igoras darasow an prison, ha'ga hembronk yn-mes, ha leverel,

Oberow 5:19 Iomraidhean Croise

Salmow 146:7

neb a wra gwirvreus rag an re arweskys, neb a re boes dhe'n re nownek. An Arloedh a dhelirv prisnoryon dhe wari;

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Matthew 1:20

Hag ev owth ombrederi a-dro dhe'n taklow ma, awotta, el an Arloedh a omdhiskwedhas dhodho dre hunros, ow leverel, ‘Yosep mab Davydh, na borth own a gemmeres Maria yn gwreg dhis; rag an pyth usi omdhegys ynni yw der an Spyrys Sans.

Matthew 1:24

Ha Yosep pan dhifunas a'y gosk a wrug par dell worhemmynnsa dhodho el an Arloedh hag a gemmeras y wreg dhodho ev,

Matthew 2:13

Wosa i dhe vos gyllys yn-kerdh, otta, el an Arloedh a omdhiskwedhas dhe Yosep dre hunros, ow leverel, ‘Sav yn-bann ha kemmer an flogh ha'y vamm ha fi dhe Ejyp ha bydh ena erna leverriv dhis; rag Herod a vynn hwilas an flogh rag y dhistrui.’

Matthew 2:19

Wosa Herod dhe verwel, awotta, el a'n Arloedh a omdhiskwedhas dhe Yosep dre hunros yn Ejyp,

Matthew 28:2

hag otta, yth esa dorgrys meur; rag el an Arloedh, diyskynnys a nev, a dheuth, hag ev a rolyas dhe-ves an men hag esedha warnodho.

Luk 1:11

El an Arloedh a omdhiskwedhas dhodho, ow sevel a'n barth dhyghow dhe alter an ynkys.

Luk 2:9

Hag otta, el an Arloedh a sevis a-dheragdha, ha golewder an Arloedh a splannas a-dro dhedha, hag own bras a's teva.

Oberow 10:3

A-dro dhe nawves eur an jydh ev a welas diblans yn hunros el Duw ow mos dhodho hag ow leverel dhodho, ‘Kornelius.’

Oberow 12:23

Hware el an Arloedh a'n gweskis, drefenn na ros ev an gordhyans dhe Dhuw, ha devorys gans pryves ev a verwis.

Oberow 16:26

hag a-dhesempis yth esa dorgrys meur, may feu kryghyllys selyow an prison; hag a-dhistowgh an darasow oll a veu igerys, ha kolmow pub huni a veu lowsys.

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Oberow 8:26

Mes el an Arloedh a gewsis orth Felip, ow leverel, ‘Sav yn-bann ha ke troha'n dyghow y'n fordh ow mos war-nans dhiworth Yerusalem dhe Gaza.’ Hemm yw difeythtir.