Oberow 4:30 - An Bibel Kernewek 20234 (Kernewek Kemmyn)

³⁰ ha ty owth ystynn dha leuv rag yaghhe, may fo gwrys toknys ha marthusyon dre hanow dha was sans Yesu.’

Oberow 4:30 Iomraidhean Croise

Eksodus 6:6

Lavar ytho dhe vebyon Ysrael, “My yw an Arloedh hag a wra agas dri a-dhann veghyow an Ejyptianys ha'gas livra a'ga hethneth ha'gas dasprena gans bregh ystynnys ha dre vreusow meur,

Yeremia 15:15

A Arloedh, ty a woer: porth kov ahanav, ha'm visitya, ha'm diella war ow helghysi; na'm deg vy dhe-ves y'th hirwodhevyans; godhvydh a'th wovis jy my dhe wodhevel keredh.

Yowann 4:48

Ytho yn-medh Yesu dhodho, ‘Marnas hwi a wel toknys ha marthusyon, ny grysowgh.’

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 2:43

Hag own a dheuth dhe bub enev; ha meur a varthusyon hag toknys a hwarva der an abesteli.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Oberow 3:16

Ha'y hanow, dre fydh yn y hanow, a wrug krev an gour ma neb a welowgh hag aswonn, ha'n fydh dredho ev a ros dhodho an yeghes ma a-dheragowgh hwi oll.

Oberow 3:6

Mes yn-medh Peder, ‘Ny'm beus nag arghans nag owr; mes an pyth a'm beus, henna a rov dhis: yn hanow Yesu Krist a Nazareth, sav, ha kerdh.’

Oberow 4:10

bedhes godhvedhys dhywgh hwi oll ha dhe'n bobel oll a Ysrael: y feu yn hanow Yesu Krist a Nazareth, neb a growssowgh, neb a wrug Duw y dhrehevel dhiworth an re varow – y'n hanow ma yma an den ma ow sevel yn yagh a-dheragowgh.

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Oberow 5:12

Lemmyn dre dhiwla an abesteli meur a doknys ha marthusyon a hwarva yn mysk an bobel; hag yth esens oll war-barth yn Portal Solomon;

Oberow 6:8

Ha Stefan, leun a ras hag a nell, a wrug marthusyon meur hag toknys yn mysk an bobel.

Dewteronomi 4:34

Po a assayas neb duw dhe dhos ha kemmeres dhodho kenedhel dhiworth kenedhel arall dre brovow, der toknys, ha der anethow, ha dre vresel, dre leuv grev ha bregh ystynnys, der euth bras kepar ha pup-tra a wrug dhywgh an Arloedh agas Duw yn Ejyp a-wel dhis?