Oberow 4:29 - An Bibel Kernewek 20234 (Kernewek Kemmyn)

²⁹ Ha lemmyn, Arloedh, mir orth aga godrosow ha gront dhe'th wesyon kewsel dha er gans pub kolonnekter,

Oberow 4:29 Iomraidhean Croise

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Ysay 63:15

Mir dhiworth nev, ha gwel dhiworth trigva ughel dha sansoleth ha'th glori. Ple'ma dha dhiwysykter ha'th krevder, amovyans dha golodhyon ha'th truedh? Skonys yns dhymm.

Kynvannow 3:50

bys pan wra an Arloedh mires war-woeles, ha gweles dhiworth an nevow.

Kynvannow 5:1

Porth kov, A Arloedh, a'n pyth re goedhas dhyn; mir ha gweles agan meth.

Ezekiel 2:6

Ha ty, A vab den, na borth own anedha na a'ga geryow. Na borth own kyn fo spern ha spedhas a-dro dhis, ha ty trigys yn mysk skorpyons. Na borth own a'ga geryow ha na borth euth a'ga fasow, rag chi diwostydh yns i.

Daniel 9:18

Ow Duw, ro dha skovarn ha klewes; igor dha dhewlagas ha mir orth agan ahwer, hag orth an sita may feu dha hanow gelwys warnedhi; nyns yw drefenn agan gwiryonsys ni may profyn agan aspysadow a-ragos, mes drefenn dha druedh bras.

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Oberow 13:46

Hag ow kewsel yn hardh, Powl ha Barnabas a leveris, ‘Res o bos ger Duw kewsys dhywgh hwi yn kynsa; mes a-ban y'n skonyowgh hag omvreusi agas honan anwiw a vewnans heb diwedh, otta, ni a dreyl dhe'n Jentilys.

Oberow 14:3

Rakhenna hirneth i a wortas, ow kewsel yn hardh rag an Arloedh neb a dhustunias dhe er y ras, ow kul dhe doknys ha marthusyon hwarvos der aga diwla.

Oberow 19:8

Ev a entras y'n synaga ha dres tri mis ev a gewsi yn hardh, ow tadhla hag owth assaya aga dri dhe gryjyans a-dro dhe wlaskor Duw.

Oberow 26:26

Rag an myghtern a gonvedh a-dro dhe'n taklow ma, hag orto ev my a gews, hardh ow lavarow, rag sur ov vy nag yw nagonan a'n taklow ma kudhys dhiworto, rag ny veu hemma gwrys yn kornell.

Oberow 28:31

ow pregoth gwlaskor Duw hag ow tyski an taklow a-dro dhe'n Arloedh Yesu Krist, gans pub hardhder ha heb lett.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Oberow 4:21

Ha pan y's godrossens pella, i a's livras; ny gavsons fordh vyth dh'aga hessydhya, drefenn an bobel; rag yth esa i oll ow ri gordhyans dhe Dhuw a-dro dhe'n pyth a hwarvia;

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Oberow 9:27

Mes Barnabas a'n kemmeras, ha'y dhri dhe'n abesteli ha derivas dhedha fatell welsa an Arloedh y'n fordh, neb a gowssa orto, ha fatell arethsa yn hardh yn Damaskus yn hanow Yesu.

Oberow 9:28

Ytho ev eth a-ji hag yn-mes gansa yn Yerusalem, owth arethya yn hardh yn hanow an Arloedh,

1 Korinthianys 14:13

Rakhenna, y koedh dhe neb a gews yn taves pysi rag galloes dhe styrya.

2 Korinthianys 3:12

Ytho, a-ban eus dhyn govenek a'n par na, ni a ober gans hardhder meur;

Filippianys 1:14

ha'n brassa rann a'n vreder, kolonnekhes y'n Arloedh der ow holmow, yw moy hardh dhe gewsel an ger heb own.

1 Thessalonianys 2:2

mes wosa godhevel kyns ha bos arvedhys, dell wodhowgh, yn Filippi, yth en ni kolonnek yn agan Duw dhe gewsel orthowgh aweyl Duw, gans strivyans meur.

2 Timothi 4:17

Mes an Arloedh a sevis rybov ha ri nerth dhymmo, may fe an pregoth kowlwrys dredhov ha ma'n klewva oll an Jentilys. Ha sawys veuv yn-mes a anow an lew.