Oberow 4:24 - An Bibel Kernewek 20234 (Kernewek Kemmyn)

²⁴ Ha pan y'n klewsons, i a dhrehevis aga lev oll war-barth dhe Dhuw ha leverel, ‘Arloedh, neb a wrug nev ha nor, ha'n mor ha pup-tra ynna,

Oberow 4:24 Iomraidhean Croise

2 Myghternedh 19:15

Ha Hezekia a bysis a-dherag an Arloedh, ow leverel, ‘A Arloedh. Duw Ysrael, a esedh war an cherubim, ty yw Duw, ty dha honan, dhe oll gwlaskordhow an norvys; ty re wrug nev ha nor.

2 Myghternedh 19:19

Lemmyn, A Arloedh agan Duw, my a'th pys, saw ni yn-mes a'y leuv, may hwodhvo oll gwlaskordhow an norvys ty dha honan, A Arloedh, dhe vos Duw.’

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Ysay 51:12

My, my yw neb a'gas konfort. Ytho piw osta jy may perthydh own a dhen hag a verow, hag a vab-den neb a wedher avel gwels?

Yeremia 20:13

Kenewgh dhe'n Arloedh, gormelewgh an Arloedh! Rag ev re dhelivras enev an boghosek a-dhiworth leuv an dhrogoberoryon.

Yeremia 32:17

Ogh Arloedh Duw! Otta, ty re wrug an nevow ha'n nor dre dha alloes meur ha'th vregh ystynnys! Nyns eus travyth re gales ragos.

Oberow 14:15

‘A wer, prag y hwrewgh hwi an taklow ma? Ni ynwedh yw gwer, a'n keth gnas avelowgh, ha ni a bregoth rag agas treylya dhiworth an taklow koeg ma dhe Dhuw bew, neb a wrug an nev ha'n nor ha'n mor ha pup-tra eus ynna.

Oberow 16:25

Hag a-dro dhe hanter-nos yth esa Powl ha Silas ow pysi hag ow kormel Duw dre hymnys, hag yth esa an brisnoryon ow koslowes orta;

Oberow 4:23

Pan vons livrys, i eth dh'aga thus aga honan hag i a dherivas pup-tra a lavarsa an bennoferysi ha'n henavogyon dhedha.