Oberow 4:20 - An Bibel Kernewek 20234 (Kernewek Kemmyn)

²⁰ rag ny yllyn ni omwitha rag kewsel a-dro dhe'n taklow re welsyn ha klewes.’

Oberow 4:20 Iomraidhean Croise

2 Samuel 23:2

Spyrys an Arloedh a gews dredhov, yma y lavar war ow thaves.

Yeremia 1:7

Ha'n Arloedh a leveris dhymm, ‘Na lavar “Yowynk ov”; mes mos a wredh dhe biwpynag may hwrylliv vy dha dhannvon dhodho, ha ty a lever pypynag a worhemmynniv dhis.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 4:19

Ow holodhyon, ow holodhyon! my a omwen yn payn, fosow ow holonn a lamm; ow holonn a wra tros ynnov; ny allav tewel; rag my re glewas son an hirgorn, ow enev re glewas an tros a vresel.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Ezekiel 3:11

Ha ke, deus dhe'n dhivresow, dhe vebyon dha bobel, ha kows orta. Lavar dhedha, ‘Yndellma y lever an Arloedh Duw’, mar koslowons po mar skonyons.

Amos 3:8

An lew re usas: piw ny'n jevydh own? An Arloedh Duw re gewsis: piw ny brofoes?

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Niverow 22:38

Balaam a leveris dhe Balak, ‘Otta, my re dheuth dhis! A ny vydh dhymm galloes vyth dhe leverel neppyth a'm honan? An ger a worr Duw y'm ganow, henna y tal dhymm kewsel.’

Niverow 23:20

Otta, my a dhegemmeras gorhemmynn dhe venniga: ev re bennigas, ha ny allav y dhaskelwel.

Luk 1:2

kepar dell vons delivrys dhyn ni gans an re o testow ha menystrys a'n ger a'n dalleth;

Oberow 1:22

ow talleth dhiworth besydh Yowann bys y'n jydh may feu kemmerys yn-bann dhiworthyn, onan a'n re ma dhe dhos ha bos dustunier genen ni a'y dhasserghyans.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 18:5

Ha pan dheuth Silas ha Timothi yn-nans a Makedonia, Powl a omri moy ha moy dhe'n ger, ow toen dustuni dhe'n Yedhewon bos Yesu an Krist.

Oberow 2:32

Duw a dhrehevis an Yesu ma, ha dhe henna ni oll yw dustunioryon;

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 22:15

rag ty a vydh dustunier ragdho, dhe dus oll, a-dro dhe'n taklow re welsys ha klewes.

Oberow 3:15

ha hwi a ladhas an Awtour a vewnans, neb a veu drehevys gans Duw dhiworth an re varow; dhe henna dustunioryon on ni.

Oberow 5:32

Ha dustunioryon on ni dhe'n taklow ma, keffrys an Spyrys Sans res gans Duw dhe'n re a obay dhodho.’