Oberow 3:12 - An Bibel Kernewek 20234 (Kernewek Kemmyn)

¹² Pan welas Peder henna, ev a gewsis orth an bobel, ‘Gwer Ysrael, prag yma marth dhywgh a hemma, po prag y hwithrowgh warnan kepar ha pan y'n gwrussyn kerdhes der agan nerth po agan sansoleth agan honan?

Oberow 3:12 Iomraidhean Croise

Jenesis 40:8

Yn-medhons dhodho. ‘Ni re hunrosas hunros, ha nyns eus denvyth dh'y styrya.’ Yn-medh Yosep dhedha, ‘A nyns eus styryansow dhe Dhuw? Derivewgh e dhymm, my a'gas pys.’

Jenesis 41:16

Yosep a worthybis Faro, ow leverel, ‘Duw, a-der my, a re dhe Faro gorthyp a gres.’

Yowann 7:18

Neb a gews a'y awtorita y honan a hwila y enor y honan; mes neb a hwila an enor anodho ev neb a'n dannvonas, hemma yw gwir, ha nyns eus ynno anwiryonedh.

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 3:11

Hag ev ow synsi Peder ha Yowann, an dus oll, meur aga marth, a boenyas war-barth dhedha dhe'n golovenva henwys Portal Solomon.

Oberow 3:13

Duw Abraham, Ysak ha Yakob, Duw agan tasow, a ros golewder dh'y was Yesu, neb a dhaskorrsowgh ha nagha dherag Pilat pan ervirys o y livra.

Romanyon 11:1

Ytho y lavarav, a dewlis Duw y bobel dhe-ves? Bynner re bo! Rag my yw Ysraelyas dhiworth has Abraham, a eghenn Benyamin.

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

2 Korinthianys 3:5

Nyns on ni gwiw dhyn agan honan dhe rekna travyth a'gan honan, mes agan gwiwder yw a Dhuw,

Diskwedhyans 7:13

Hag onan a'n henavogyon a worthybis, ow leverel dhymm ‘Piw yw an re ma yw gwiskys yn powsyow gwynn hag a-ble teuthons?’