Oberow 28:4 - An Bibel Kernewek 20234 (Kernewek Kemmyn)

⁴ Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’

Oberow 28:4 Iomraidhean Croise

Jenesis 3:1

Lemmyn an sarf o moy sotel es pub best a'n gwel re wrussa an Arloedh Duw aga gul. Hag yn-medh hi dhe'n venyn, ‘A wrug Duw dhe wir leverel, “Na wrewgh hwi dybri a bub gwydhenn an lowarth”?’

Lavarow Koth 28:17

Den hag yw beghys gans skoellya goes neb den, re hwillo skovva y'n pytt; na res nagonan gweres dhodho.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 43:20

An bestes gwyls a'm enor, an owrgeun ha'n strusyow; rag my a re dowr y'n difeythtir, avonyow y'n gwylvos, dhe ri diwes dhe'm pobel dhewisys,

Sefania 2:15

Hemm yw an sita heudh a vewa gans diagha, a leveris yn hy holonn, ‘Ottavy, ha nyns eus denvyth marnas my.’ Ass yw hi gyllys yn difeyth, growedhva rag bestes! Pubonan a dremen dresti a hwiban ha shakya y leuv.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Luk 13:2

Hag ev a worthybis ha leverel dhedha, ‘A dybowgh tus Galile na dhe vos gweth peghadoryon es oll tus Galile erell, drefenn i dhe wodhav an taklow na?

Luk 13:4

Po an etek den na may koedhas warnedha an tour yn Siloam ha'ga ladha – a dybowgh i dhe vos kablus dres oll an dus erell trigys yn Yerusalem?

Yowann 7:24

Na vreusewgh herwydh an semlans, mes breusewgh gans breus gwiryon.’

Oberow 28:2

Ha'n deythyogyon a dhiskwedhas dhyn kuvder dres eghenn; rag i a wrug tansys ha'gan wolkomma ni oll drefenn an glaw dhe dhalleth koedha ha yeyn o.

Oberow 28:3

Pan wrug Powl kuntell breghas a geunys ha'y worra y'n tan, sarf a dheuth yn-mes drefenn an toemmder hag omdakkya orth y leuv.

Oberow 28:5

Ena ev a shakyas an kreatur y'n tan heb godhav drog vyth;

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’