Oberow 28:3 - An Bibel Kernewek 20234 (Kernewek Kemmyn)

³ Pan wrug Powl kuntell breghas a geunys ha'y worra y'n tan, sarf a dheuth yn-mes drefenn an toemmder hag omdakkya orth y leuv.

Oberow 28:3 Iomraidhean Croise

Job 20:16

Ev a sugen venim serf; taves an nader a'n ladh.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 41:24

Otta, hwi yw mann, ha'gas ober yw mann, tra gasadow yw neb a'gas dewis.

Ysay 59:5

Gori oyow nader a wrons, ha gwias gwiasow kevnis; neb a dheber aga oyow a verow, hag oy, mars yw brewys, a dhre nader yn-mes.

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Matthew 3:7

Hag ev, ow kweles meur a Fariseow ha Sadukeow ow tos dh'y vesydh, a leveris dhedha, ‘Hwi askorr nadres! Piw re'gas gwarnyas dhe fia dhiworth an sorr a dheu?

Mark 16:18

hag i a gemmer serf yn-bann yn aga diwla, ha mar evons gwenon marwel, ny wra henna aga fystiga; i a worr diwla war an glevyon hag y fydhons yagh.’

Oberow 28:2

Ha'n deythyogyon a dhiskwedhas dhyn kuvder dres eghenn; rag i a wrug tansys ha'gan wolkomma ni oll drefenn an glaw dhe dhalleth koedha ha yeyn o.

Oberow 28:4

Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’

2 Korinthianys 11:23

Menystoryon Krist yns i? (My a gews kepar hag onan mes a'y rewl) onan gwell ov vy: my re lavuryas kalessa meur, my re beu prisonys moy menowgh, my re beu kastigys moy a-has, my re beu ogas dhe'n mernans lieskweyth.

2 Korinthianys 6:9

avel anaswonnys, mes aswonnys yn ta, avel tus ow merwel mes otta, ni a vew; avel tus kessydhys mes nyns on ni ledhys;