Oberow 28:2 - An Bibel Kernewek 20234 (Kernewek Kemmyn)

² Ha'n deythyogyon a dhiskwedhas dhyn kuvder dres eghenn; rag i a wrug tansys ha'gan wolkomma ni oll drefenn an glaw dhe dhalleth koedha ha yeyn o.

Oberow 28:2 Iomraidhean Croise

Ezra 10:9

Oll gwer Yuda ha Benyamin a omguntellas yn Yerusalem a-ji dhe dri dydh. An nawves mis o, ugensves dydh an mis. Oll an bobel a esedhas y'n plen a-rag chi Duw, ow krena drefenn an mater ma, ha drefenn an glaw meur.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Levitikus 19:34

An alyon trigys genowgh a vydh dhywgh kepar ha genesik yntredhowgh. Ty a'n kar kepar ha ty dha honan, rag hwi o alyons yn pow Ejyp. An Arloedh agas Duw ov vy.

Matthew 10:42

Ha piwpynag a rollo unnweyth hanafas a dhowr yeyn dhe eva dhe onan a'n re vyghan ma, yn hanow dyskybel, yn hwir y lavarav dhywgh, kammenn ny gyll ev y wober.’

Yowann 18:18

Ha'n gethwesyon ha'n soedhogyon, neb re wrussa tan glowbrenn, a sevi ena, rag yeyn o, hag omdoemma. Hag yth esa Peder ow sevel gansa, hag owth omdoemma.

Oberow 27:3

Ha ternos ni a diras dhe Sidon, ha Yulius, ow tyghtya Powl yn kuv, a ros dhodho kummyas dhe vones dh'y gowetha may kaffa sokor.

Oberow 28:3

Pan wrug Powl kuntell breghas a geunys ha'y worra y'n tan, sarf a dheuth yn-mes drefenn an toemmder hag omdakkya orth y leuv.

Oberow 28:4

Ha pan welas an deythyogyon an sarf ow kregi a'y leuv, i a leveris an eyl dh'y gila, ‘Yn tevri, an den ma yw moldrer re beu sawys dhiworth an mor, mes ny wrug Ewnder y asa yn few.’

Romanyon 1:14

Dhe Grekys keffrys ha dhe varbares, dhe'n re fur keffrys ha'n re foll yth ov kendoner:

Romanyon 14:1

Ha neb yw gwann y'n fydh, degemmerewgh e heb dadhla a-dro dhe dybyansow.

Romanyon 14:3

na wres neb a dheber skornya ev neb na dheber, ha na wres neb na dheber breusi ev neb a dheber, rag Duw re'n degemmeras.

Romanyon 2:27

Ytho an den na'n jeves an trodreghyans yn y gorf mes a syns an lagha a'th kuhudh, ty hag a'th eus skrif an lagha ha'n trodreghyans mes a derr an lagha.

1 Korinthianys 14:11

byttegyns mar ny wonn styr an yeth, barbarus dhe'n kowser vydhav, ha'n kowser barbarus vydh dhymmo vy.

2 Korinthianys 11:27

yn lavur ha gweyth kales, yn meur a nosow heb kosk, yn nown ha syghes, yn divoetteryow menowgh, yn yeynder ha noethedh.

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

Ebrowyon 13:2

Na ankevewgh wolkomma estrenyon, rag yndellma nebes re wolkommas eledh heb y wodhvos.