Oberow 27:22 - An Bibel Kernewek 20234 (Kernewek Kemmyn)

²² Lemmyn my a'gas kusul a wellhe agas cher, rag ny vydh koll a'gas bewnans, saw unnsel a'n gorhel.

Oberow 27:22 Iomraidhean Croise

Ezra 10:2

Shekania mab Yehiel, a vebyon Elam, a worthybis ow leverel dhe Ezra, ‘Ni re beu dislel dh'agan Duw, ow kemmeres gwragedh estren a-dhiworth poblow an pow. Byttegyns lemmyn yma govenek yn Ysrael a-dro dhe'n mater ma.

Job 2:4

Ena Satnas a worthybis dhe'n Arloedh, ‘Kroghen rag kroghen. Pup-tra oll a'n jeves gour, ev a'n re a-barth y vewnans.

Salmow 112:7

Ny berth own a dhrog nowodhow; sad yw y golonn, hag ev a drest y'n Arloedh.

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 27:25

Rakhenna, gwellhewgh agas cher, A wer; rag my a grys Duw, y fydh kepar dell veu leverys dhymm.

Oberow 27:31

Powl a leveris dhe'n penn-kangour ha dhe'n soudoryon, ‘Marnas an re ma a worta y'n gorhel ny yllowgh hwi bos sawys.’

Oberow 27:34

Rakhenna my a'gas pys a gemmeres boes, drefenn bos hemma rag agas sawyans, rag blewenn a'n penn a dhenvyth ahanowgh ny vydh kellys.’

Oberow 27:36

Ena i oll a dheuth ha bos da aga cher, hag i a gemmeras boes.

Oberow 27:44

ha dhe'n re erell siwya, re anedha war blenkys ha re war rannow an gorhel. Hag yndella, dell hwarva, i oll a veu dres yn saw dhe'n tir.

1 Samuel 30:6

Ha Davydh o grevys yn feur; rag an bobel a gewsis a'y labydha, drefenn bos oll an bobel hwerow y'n enev rag aga mebyon ha myrghes. Mes Davydh a gavas nerth y'n Arloedh y Dhuw.