Oberow 27:21 - An Bibel Kernewek 20234 (Kernewek Kemmyn)

²¹ A-ban viens i heb boes termyn hir, Powl a sevis yn aga mysk ha leverel, ‘Gwer, y koedhvia dhywgh siwya ow husul na wrellewgh goelya dhiworth Kreta, ha goheles an arnow ma ha'n koll ma.

Oberow 27:21 Iomraidhean Croise

Jenesis 42:22

Ha Rewben a worthybis dhedha ha leverel, ‘A ny wrug vy kewsel orthowgh ow leverel, “Na beghewgh erbynn an maw?” mes ny wrussowgh goslowes. Ytho lemmyn y woes yw rekwirys dhiworthyn.’

Oberow 27:12

Drefenn nag o an porth 'vas rag spena an gwav ena, an rann vrassa anedha a erviras mora alena, ow kwaytya dos dhe Feniks war neb kor rag spena an gwav; porth a Kreta o, a-dal an soth-west ha'n north-west.

Oberow 27:13

Ha pan hwythas yn hweg gwyns a'n soth, i a dybis y hallens kowlwul aga thowl; rakhenna ow trehevel ankor i a woelyas ryb an arvor a Kreta.

Oberow 27:20

Pan na omdhiskwedhas na howl na ster lies dydh, hag yth esa hager-awel a-has ow kweskel, pub govenek y fedhen ni sawys a veu kellys.

Oberow 27:7

Ni a woelyas yn lent niver a dhydhyow ha dos gans kaletter ryb Knidus, hag a-ban na'gan gasas an gwyns, ni a woelyas yn-dann goskes a Kreta ryb Salmone,