Oberow 27:1 - An Bibel Kernewek 20234 (Kernewek Kemmyn)

¹ Pan veu ervirys ni dhe woelya dhe Itali i a dhaskorras Powl ha prisnoryon erell dhe benn-kangour a'n kohort awgustanek, henwys Yulius.

Oberow 27:1 Iomraidhean Croise

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Salmow 33:11

Kusul an Arloedh a sev bynitha, prederow y golonn a unn henedh dhe'n nessa.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Lavarow Koth 19:21

Lies yw an towlow a-ji dhe golonn gour, mes porpos an Arloedh, henna a sev.

Kynvannow 3:27

Da yw, gour dhe berthi an yew yn y yowynkses.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Matthew 27:54

Ha'n penn-kangour ha'n re esa ganso ow kwitha Yesu, pan welsons an dorgrys hag oll a hwarva, a borthas own meur, ow leverel, ‘Yn tevri hemma o Mab Duw.’

Luk 23:47

Mes an penn-kangour pan welas pup-tra a hwarva a ros glori dhe Dhuw ow leverel, ‘Yn hwir, den gwiryon o hemma.’

Luk 7:2

Hag yth esa kethwas dhe benn-kangour, drudh dhodho, neb o klav hag yn eneworres.

Oberow 10:1

Lemmyn yth esa unn gour yn Sesarea henwys Kornelius, penn-kangour an kohort Italek, dell o henwys,

Oberow 10:22

I a leveris, ‘Kornelius, penn-kangour, gour ewnhynsek neb a berth own a Dhuw ha neb yw gerys-da gans oll an genedhel yedhowek, dhodhheb o y feu erghys gans el sans may halwa dh'y ji ev ha goslowes orth an pyth a vynnydh y leverel.’

Oberow 16:10

Ytho, pan welsa ev an welesigeth, hware ni a ombareusis rag mos yn-rag dhe Makedonia, ha ni sertan Duw dh'agan gelwel rag pregoth an aweyl dhedha.

Oberow 18:2

Ev a gavas unn Yedhow henwys Akwila, genesik a Pontus, neb re dhothya degynsow a Itali gans Priskilla y wreg, drefenn Klawdius dhe worhemmynna dhe'n Yedhewon oll mayth omdennens dhiworth Rom. Hag ev a dheuth dhedha,

Oberow 19:21

Pan veu kollenwys an taklow ma, ervirys o Powl yn y spyrys mos dhe Yerusalem, ow tremena dre Makedonia hag Aghaia, hag ev a leveris, ‘Wosa mos di, y koedh dhymm gweles Rom ynwedh.’

Oberow 21:32

hware ev a gemmeras soudoryon ha pennow-kangour ha poenya yn-nans dhedha; hag ow kweles an tribun ha'n soudoryon i a astelas gweskel Powl.

Oberow 22:26

Pan glewas henna an penn-kangour eth dhe'n tribun ha leverel, ‘Pandr'a vynnydh dhe wul? Rag an gour ma yw burjes romanek.’

Oberow 23:11

An nessa nos, an Arloedh a dheuth dhodho ha leverel, ‘Gwellha dha jer, rag dell dhuges dustuni dhe'n taklow a-dro dhymm yn Yerusalem, yndella y telledh ty dhe dhoen dustuni yn Rom ynwedh.’

Oberow 23:17

Ha Powl a elwis dhe onan a'n bennow-kangour, ha leverel, ‘Gid an gour yowynk ma dhe'n tribun, rag ev a'n jeves neppyth dhe dherivas dhodho.’

Oberow 24:23

Ev a worhemmynnis dhe'n penn-kangour may fe synsys yn-dann with ha may fe grontys dhodho neb rydhses, ha ma na fe lettys mann re a'y gowetha a venystra dhodho.

Oberow 25:12

Ena Festus, wosa ev dhe omgusulya gans y gonsel, a worthybis, ‘Ty re elwis orth Sesar; a-rag Sesar ty a wra mos.’

Oberow 25:25

Byttegyns, my a gonvedhas na wrug ev travyth ow tervynn an mernans, mes pan elwis ev y honan orth an Emperour, my a erviras y dhannvon.

Oberow 27:11

Mes an penn-kangour a wrug vri moy orth an lewyader ha mester an gorhel ages orth an pyth a leveris Powl.

Oberow 27:43

mes an penn-kangour, ow mynnes sawya Powl, a wrug aga difenn na gowlwrellens aga thowl, ha gorhemmynna dhe'n re a wodhva neuvya lamma yn-mes a 'n gorhel kynsa ha mos dhe'n tir,

Oberow 27:6

Hag ena an penn-kangour a gavas gorhel a Aleksandria ow koelya dhe Itali, ha'gan gorra a-bervedh ynno.

Oberow 28:1

Wosa agan bos sawys, ena ni a dhiskudhas bos an ynys henwys Melita.

Oberow 28:16

Ha pan dheuthen yn Rom, Powl a veu gesys dhe driga y honan, gans an souder esa orth y witha.

Ebrowyon 13:24

Salusewgh agas hembrenkysi ha'n syns oll. An re a Itali a'gas salus.