Oberow 26:6 - An Bibel Kernewek 20234 (Kernewek Kemmyn)

⁶ Ha lemmyn my a sev ow pos breusys, drefenn ow govenek y'n dedhewadyow gwrys gans Duw dh'agan tasow

Oberow 26:6 Iomraidhean Croise

Jenesis 12:3

Ha my a vennik an re a wra dha venniga jy; ha neb a'th villik a wrav vy y villiga. Ynnos jy y fydh benniges oll teyluyow an nor.’

Jenesis 22:18

Hag y'th has y fydh kenedhlow oll y'n norvys owth omvenniga, rag ty re woslowas orth ow lev.’

Jenesis 26:4

Ha my a vynn ynkressya dha has kepar ha ster an nev, ha my a re dhe'th has oll an powyow ma. Oll kenedhlow an norvys a vydh owth omvenniga y'th has:

Jenesis 3:15

Ha my a worr avi yntra jy ha'n venyn, hag yntra dha has jy ha'y has hi. Ev a vrew dha benn ha ty a vrew y seudhel.’

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

Salmow 132:11

An Arloedh re dos ti yn gwiryonedh dhe Davydh; ny wra ev treylya dhiworto: ‘Onan a'n frut a'th korf a worrav war dha se.

Salmow 132:17

Ena y hwrav dhe gorn Davydh egina; my re dhyghtyas lugarn dhe'm Untys.

Salmow 98:2

An Arloedh re dherivas y selwyans; ev re dhiskwedhas y ewnder yn golok an kenedhlow.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 7:14

Rakhenna, an Arloedh y honan a re dhywgh tokyn. Awotta, an wyrghes a omdhek ha dineythi mab ha hi a'n henow Immanuel.

Ezekiel 21:27

Magoryow, magoryow, magoryow y'n gwrav, ma na veu y hevelep, bys pan dheu ev may ma dhodho an gwir; ha my a'n re dhodho.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Obadia 1:21

Ha tus delivrys a yn-bann dhe venydh Sion dhe rewlya menydh Esaw; ha'n myghternsys a vydh dhe'n Arloedh.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Mika 7:20

Ty a dhiskwa lenduri dhe Yakob ha tregeredh dhe Abraham, dell desys dh'agan tasow a-dhia'n dydhyow koth.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 13:7

‘Difun, A gledha, erbynn ow bugel, erbynn an den yw ow howeth!’ yn-medh Arloedh an luyow. Gwask an bugel, ha'n deves a vydh skattrys, ha my a dreyl ow leuv erbynn an re vyghan.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 9:9

Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Malaki 3:1

Otta, my a dhannvon ow hannas, hag ev a wra pareusi an fordh a-ragov! Ha'n Arloedh a hwilowgh a dheu a-dhesempis dh'y dempel; ha kannas an kevambos, a hwensowgh, otta, ev a wra dos, yn-medh Arloedh an luyow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Oberow 23:6

Ena Powl, ow kodhvos bos re Sadukeow ha re erell Fariseow, a grias y'n konsel, ‘Breder, Farise ov vy, mab Fariseow; yth esov vy ow pos breusys a-dro dhe wovenek dasserghyans an re varow.’

Oberow 24:15

Yma dhymm govenek yn Duw, a waytyons i aga honan ynwedh, y fydh dasserghyans hag a'n re ewnhynsek hag a'n re gammhynsek.

Oberow 24:21

marnas y feu an unn lavar ma a griis vy, ow sevel yn aga mysk, “Yth esov vy ow pos breusys a-ragowgh hedhyw a-dro dhe dhasserghyans a'n re varow.” ’

Oberow 26:8

Prag yth yw breusys genowgh avel pyth na yllir y grysi, Duw dhe dhrehevel an re varow?

Oberow 28:20

Rag an acheson ma, ytho, my re'gas gelwis, rag agas gweles ha kewsel orthowgh, drefenn a-barth govenek Ysrael yw, ow bos kelmys gans an chayn ma.’

Oberow 3:24

Hag oll an brofoesi neb re gewsis, dhiworth Samuel ha'n re neb a dheuth war y lergh, i ynwedh a dharganas an dydhyow ma.

Romanyon 15:8

Rag y lavarav dhywgh y teuth Krist ha bos menyster dhe'n re drodreghys rag gwirder Duw, rag surhe an ambosow a veu res dhe'n tasow,

Galatianys 4:4

mes pan dheuth keweras an oes, Duw a dhellos y Vab, genys a venyn, genys yn-dann lagha,

Dewteronomi 18:15

An Arloedh dha Dhuw a dhrehav profoes ragos yn-mes ahanas, dhiworth dha vreder, haval dhymm. Orto ev hwi a woslow.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,