Oberow 26:24 - An Bibel Kernewek 20234 (Kernewek Kemmyn)

²⁴ Hag ev ow kul y dhefens y'n for' ma, Festus a leveris, ughel y lev, ‘Mes a'th rewl osta, Powl; yma meur a lyenn orth dha dreylya gorboellek.’

Oberow 26:24 Iomraidhean Croise

2 Myghternedh 9:11

Ena Yehu a dhehwelis dhe wesyon y arloedh, hag onan a leveris dhodho, ‘Yw pup-tra da? Prag y teuth an muskok ma dhis?’ Ev a worthybis dhedha, ‘Hwi a aswonn an gour ha'y gows.’

Yeremia 29:26

An Arloedh a'th wrug oferyas yn le Yehoyada an oferyas, dhe vos soedhogyon yn chi an Arloedh, rag pub muskok a omwra profoes, ma'n gorrydh yn stokkys hag yn kolor.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Mark 3:21

Ha pan glewas y gerens henna, i eth yn-mes rag settya dalghenn ynno; rag i a leveri, ‘Varyes yw.’

Yowann 7:15

Marth a's teva an Yedhewon, ow leverel, ‘Fatell yll ev bos lettrys, pan na studhyas bythkweth?’

Yowann 8:48

Ytho an Yedhewon a worthybis, ha leverel dhodho, ‘A ny leveryn yn ta, ty dhe vos Samaritan, ha dyowl dhe vos dhis?’

Yowann 8:52

Ena yn-medh an Yedhewon dhodho, ‘Lemmyn ni a woer bos dyowl genes. Abraham a verwis, ha'n brofoesi, ha ty a lever, “Piwpynag a wittho ow ger, ny wra ev tastya mernans bynitha.”

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

Oberow 22:1

‘Breder ha tasow, goslowewgh orth ow defens a wrav lemmyn dhywgh.’

Oberow 24:25

Hag ev ow kul areth a-dro dhe ewnder hag omrewl ha'n vreus ow tos, Feliks eth ha bos ownek, ha gorthybi, ‘Y'n tor' ma, ty ke; mes my a wra dannvon war dha lergh pan eus dhymm spas.’

Oberow 24:27

Ha wosa diw vlydhen dhe bassya, Feliks a veu holys gans Porkius Festus; hag ow mynnes diskwedhes favour dhe'n Yedhewon, ev a asas Powl yn prison.

Oberow 26:11

owth assaya aga ynnia dhe wul blasfemi; ha my a's kessydhyas yn fenowgh dres oll an synagys, hag y'm sorr konneryek er aga fynn my a's helghyas bys yn sitys estren.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 4:10

Fellyon rag Krist yth on ni, mes skentel yn Krist yth owgh hwi; gwann yth on ni, mes krev yth owgh hwi; yn enor yth owgh hwi synsys, mes disenorys yth on ni.

2 Korinthianys 5:13

Rag mars on ni mes a'gan rewl, a-barth Duw yth yw; mars yw yagh agan brys, ragowgh hwi yth yw.

2 Timothi 3:15

ha ty dhe wodhvos a-ban es flogh an skrifow sans, a yll dha wul fur bys yn selwyans dre fydh yn Krist Yesu.