Oberow 26:20 - An Bibel Kernewek 20234 (Kernewek Kemmyn)

²⁰ mes my a dherivas yn kynsa dhe'n re na yn Damaskus hag ena yn Yerusalem ha dres oll an pow a Yudi, y koedh dhedha kemmeres edrek ha treylya dhe Dhuw, ow kul oberow dhe edrek.

Oberow 26:20 Iomraidhean Croise

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 18:11

Ha lemmyn ytho, kews orth gwer Yuda, hag orth annedhysi Yerusalem, ow leverel: Yndellma y lever an Arloedh: Otta, my a furv drogedh er agas pynn ha devisya towl er agas pynn: dehwelewgh peub a'y fordh dhrog ha gul dh'agas fordhow ha'gas gwriansow bos da.

Yeremia 35:15

My re dhannvonas dhywgh oll ow servysi an brofoesi, orth aga dannvon arta hag arta, ow leverel, “Treylyewgh lemmyn pub ahanowgh a'gas fordh dhrog, ha gwellhe agas gwriansow ha nag ewgh war-lergh duwow erell dh'aga servya, ha hwi a vydh trigys y'n tir a res dhywgh ha dh'agas tasow.” Mes ny ystynnsowgh agas skovarn na goslowes orthiv.

Kynvannow 3:40

Hwithryn ni orth agan fordhow ha'ga studhya, ha dehweles arta dhe'n Arloedh.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Matthew 3:2

ha leverel, ‘Koedhewgh yn edrek; rag gwlaskor nev re dheuth nes.’

Matthew 3:8

Degewgh ytho frut gwiw rag edrega,

Matthew 4:17

Alena rag, Yesu a dhallathas pregoth ha leverel, ‘Koedhewgh yn edrek, rag gwlaskor nev re dheuth nes.’

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 6:12

Ytho yth ethons yn-kerdh ha pregoth, may koettha tus yn edrek.

Luk 1:16

hag ev a dreyl lies huni a vebyon Ysrael dhe'n Arloedh aga Duw.

Luk 13:3

Nyns ens i mann, yn-medhav dhywgh, mes mar ny goedhowgh yn edrek hwi oll a dhe goll y'n keth vaner.

Luk 13:5

Nyns ens i mann, yn-medhav dhywgh, mes mar ny goedhowgh yn edrek hwi oll a dhe goll y'n keth vaner.’

Luk 15:10

Yndella, yn-medhav dhywgh, y fydh lowena a-rag eledh Duw rag unn peghador ha dhodho edrek.’

Luk 15:7

My a lever dhywgh, yndella y fydh lowena yn nev rag unn peghador ha dhodho edrek, moy es dell vydh rag nownsek den gwiryon ha peswar-ugens nag eus dhedha edhomm a edrega.

Oberow 11:18

Pan glewsons an taklow ma, i a dewis ha gordhya Duw, ow leverel, ‘Ytho dhe'n Jentilys ynwedh Duw re ros edrek a led dhe vewnans.’

Oberow 15:19

Rakhenna ervirys ov na wryllyn ni trobla an Jentilys usi ow treylya dhe Dhuw,

Oberow 17:30

Ytho, ny wrug Duw vri a'n oesow a dhiskians, ha lemmyn ev a worhemmynn dhe boblow oll yn pub le may kemmerrons edrek,

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 26:17

orth dha livra dhiworth dha bobel ha dhiworth an Jentilys, dhe neb my a'th tannvon,

Oberow 26:19

‘Rakhenna, myghtern Agrippa, nyns en vy diwostydh dhe'n welesigeth nevek,

Oberow 3:19

Rakhenna kemmerewgh edrek, ha treylyewgh may fo defendys dhe-ves agas peghosow,

Oberow 9:15

Mes an Arloedh a leveris dhodho, ‘Ty ke, drefenn bos hemma ow mayn dewisys rag doen ow hanow a-dherag an Jentilys ha myghternedh ha mebyon Ysrael;

Oberow 9:35

Ha pubonan trigys yn Lydda ha Sharon a'n gwelas, ha treylya dhe'n Arloedh.

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

2 Korinthianys 3:16

mes den pan dreyl dhe'n Arloedh, an gudhlenn yw kemmerys dhe-ves.

2 Korinthianys 7:10

Rag keudh duwek a ober edrek heb govisyon, bys yn selwyans; mes keudh a'n bys a ober mernans.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

1 Thessalonianys 1:9

An dus na, aga honan, a wra vri a-dro dhyn py par wolkomm a gemmersyn genowgh, ha fatell dreylsowgh dhe Dhuw dhiworth idolys dhe wonis an Duw bew ha gwir,

Diskwedhyans 16:11

Hag i a vlasfemyas Duw nev drefenn aga faynys ha'ga podredhes, ha ny gemmersons edrek a'ga gwriansow.

Diskwedhyans 2:21

Ha spas a res vy dhedhi dhe gemmeres edrek, mes ny vynn hi kemmeres edrek a'y fornikasyon.

Diskwedhyans 2:5

Kovha, ytho, le may koedhsys anodho, ha kemmer edrek ha gwra an oberow dell wrussys kyns; poken dos dhiso yn skon a vynnav, ha gorra dha gantolbrenn mes a'y le, mar ny gemmerydh edrek.

Diskwedhyans 3:3

Kovha, ytho, fatell re wrussys degemmeres ha goslowes; ha syns fast, ha kemmer edrek. Mar ny vynn'ta difuna, dos a wrav kepar ha lader, ha ny wre'ta godhvos py eur tyffiv er dha bynn.