Oberow 26:10 - An Bibel Kernewek 20234 (Kernewek Kemmyn)

¹⁰ Hag yn tevri my a wrug hemma yn Yerusalem; ha pan dhegemmersen awtorita dhiworth an bennoferysi my a geas yn prison meur a'n syns, ha pan vons dampnys dhe'n mernans my a dewlis ow raglev er aga fynn,

Oberow 26:10 Iomraidhean Croise

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Oberow 7:58

Ena i a'n tewlis mes a'n sita ha'y labydha; ha'n dhustunioryon a worras aga dillas orth treys gour yowynk henwys Sowl.

Oberow 8:1

Hag yth esa Sowl owth assentya dh'y ladhva. Hag y'n jydh na yth esa helghyans meur erbynn an eglos yn Yerusalem, hag i oll a veu skattrys dres an powyow a Yudi ha Samaria, marnas an abesteli.

Oberow 8:3

Mes yth esa Sowl ow ravna an eglos; hag owth entra yn chi wosa chi, ev a dhraylya dhe-ves ha gwer ha benynes ha'ga gorra yn prison.

Oberow 9:21

Pubonan oll neb a'n klewas a's tevo marth, hag yn-medhons i, ‘A nyns yw hemma an gour re dhistruis an re na yn Yerusalem neb a gri war an hanow ma? Ha deuva omma rakhemma, ma's dokko i yn kelmys a-dherag an bennoferysi.’

Oberow 9:26

Pan dhothya yn Yerusalem, ev a assayas junya gans an dhyskyblon; mes yth esa dhedha i oll own anodho rag ny gryssons y vos dyskybel.

Oberow 9:32

Lemmyn, dell hwarva, Peder, hag ev ow mos a-dro yn pub le, a dheuth ynwedh dhe'n syns trigys yn Lydda.

Oberow 9:41

Hag ev a ros dhedhi y leuv ha'y drehevel; hag ow kelwel an syns ha'n gwedhwesow, ev a's diskwedhas yn few.

1 Korinthianys 15:9

Rag an lyha a'n abesteli yth ov, anwiw dhe vos gelwys abostol, drefenn my dhe helghya eglos Duw;

Galatianys 1:13

Rag re glewsowgh a'm fara seulabrys yn yedhowieth pan helghyn vy eglos Duw dres eghenn ha'y dhistrui,

Efesianys 1:1

Powl, abostol Krist Yesu dre volonjedh Duw, Dhe'n syns usi yn Efesus yw lel yn Krist Yesu:

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.