Oberow 24:5 - An Bibel Kernewek 20234 (Kernewek Kemmyn)

⁵ Ni re gavas bos an gour ma pla, ow kul strif yn mysk oll an Yedhewon dres an nor, penn-ledyer sekt an Nazarenys.

Oberow 24:5 Iomraidhean Croise

Ester 3:8

Ena yn-medh Haman dhe'n myghtern Ahasuerus, ‘Yma unn bobel skattrys a-les ha diberthys yn mysk an poblow yn oll rannvroyow dha wlaskor; ha'ga laghys yw dihaval dhe laghys pub pobel arall, ha ny withons laghys an myghtern. Ytho nyns yw ewn an myghtern dh'aga godhav.

Yeremia 37:13

Ha pan esa ev orth Yet Benyamin, yth esa goelyador ena, henwys Yriya mab Shelemia mab Hanania, hag ev a dhalghennas Yeremia an profoes ow leverel, ‘Yth esos ow kilfia dhe'n Kaldeanys.’

Yeremia 38:4

Ytho an bennsevigyon a leveris dhe'n myghtern, ‘Ny a'th pys, gas an gour ma dhe vos gorrys dhe'n mernans, drefenn ev dhe wannhe an soudoryon yw gesys y'n sita ma ha diwleuv oll an bobel, dre gewsel geryow a'n par ma dhedha. Rag ny hwila an gour ma sewena an bobel ma, mes aga fystik.’

Amos 7:10

Ena Amasia, oferyas Bethel, a dhannvonas dhe Yeroboam myghtern Ysrael, ow leverel: ‘Amos re vrasas er agas pynn yn kres chi Ysrael; ny yll an tir godhav y eryow oll.

Matthew 10:25

Lowr yw dhe'n dyskybel y vos avel y vester, ha'n kethwas avel y arloedh. Mar kalwsons mester an chi Belzebul, pygemmys moy y vayni ev?

Matthew 2:23

hag ev eth dhe driga yn sita gelwys Nazareth may fe kollenwys an dra kewsys gans an profoes, ‘Ev a vydh henwys Nazaren.’

Mark 1:24

‘Pandr'a vynnydh tejy genen ni, Yesu a Nazareth? Osta devedhys rag agan diswul ni? My a'th aswonn piw os, an Sans a Dhuw.’

Luk 23:19

(Ev re bia tewlys yn prison drefenn neb rebellyans gwrys y'n sita, ha drefenn denladh.)

Luk 23:2

Hag i a dhallathas y guhudha, ow leverel, ‘Ni a gavas an den ma ow tomhwel agan kenedhel, hag ow tifenn trubyt dhe vos res dhe Sesar, hag ow leverel ev y honan dhe vos Krist, myghtern.’

Luk 23:25

Ytho ev a dhelivras an den a vynnens, neb re bia tewlys yn prison drefenn rebellyans ha denladh, hag ev a ros Yesu dhedha dhe wul aga bodh.

Luk 23:5

Mes i a ynnias dhe greffa ow leverel, ‘Movya an bobel a wra ev, ow tyski dres oll Yudi, ow talleth dhiworth Galile bys omma.’

Oberow 15:5

Mes re a sekt an Fariseow, neb re gryssa, a sevis yn-rag, ow leverel, ‘Y telledh ni dh'aga throdreghi hag erghi dhedha gwitha lagha Moyses.’

Oberow 21:28

ow karma, ‘Gwer Ysrael, gweresewgh! Hemm yw an den usi ow tyski dhe bubonan yn pub le erbynn an bobel ha'n lagha ha'n tyller ma, ha moy es henna, ev re dhros Grekys y'n tempel hag ev re dhisakras an tyller sans ma.’

Oberow 22:22

Bys y'n ger ma i a woslowas orto, mes ena i a dhrehevis aga levow, ow leverel, ‘Dhe-ves gans den a'n par ma a'n nor; ny dhelledh ev dhe vewa.’

Oberow 24:14

Mes hemma my a gonfess dhis, my dhe wordhya Duw agan tasow, herwydh an Fordh a elwons i sekt, ow krysi pup-tra yw herwydh an lagha ha'n taklow skrifys y'n brofoesi.

Oberow 24:4

Mes heb dha lettya na fella, my a'th pys y'th perthyans a woslowes a verr dermyn orthyn.

Oberow 25:7

Pan dheuth ev, an Yedhewon re dhothya yn-nans dhiworth Yerusalem a sevis a-dro dhodho ha dri orto lies kuhudhans poes, na allsons previ.

Oberow 26:5

I re'm aswonnis termyn hir, mar mynnons desta, my dhe vewa avel Farise, herwydh an sekt an moyha straght yn agan kryjyans.

Oberow 28:22

Mes ni a garsa klewes genes an pyth a brederydh; rag yn hwir, a-dro dhe'n sekt ma ni a woer y kewsir yn pub le er y bynn.’

Oberow 5:17

Ena y sevis an arghoferyas ha myns esa ganso, henn yw parti an Sadukeow, lenwys a avi,

Oberow 6:13

hag i a dhros fals dhustunioryon, neb a leveris, ‘Ny hedh an den ma kewsel geryow erbynn an tyller sans ma ha'n lagha.

1 Korinthianys 11:19

Rag y telledh bos eresys yntredhowgh may fons aswonnys an re yntredhowgh yw gwiryon.

1 Korinthianys 4:13

sklandrys, ni a gews yn kuv; ni re dheuth ha bos atal an bys, skubyon a bup-tra, bys y'n jydh ma.

1 Peder 2:19

Rag hemm yw grassyes: den dhe berthi galarow ha godhevyans gans kamm, yn omwodhvos a Dhuw.