Oberow 23:9 - An Bibel Kernewek 20234 (Kernewek Kemmyn)

⁹ Hag yth esa garma bras, ha re a'n skribys yn bagas an Fariseow a sevis yn-bann ha kenkia yn krev, ‘Ny gevyn ni travyth kamm y'n den ma. Fatla mar kwrella spyrys po el kewsel orto.’

Oberow 23:9 Iomraidhean Croise

Lavarow Koth 16:7

Pan vo fordhow gour plegadow gans an Arloedh, ev a wra may fo ynwedh y eskerens yn kres ganso.

Yeremia 26:16

Ena an bennsevigyon hag oll an bobel a leveris dhe'n oferysi ha dhe'n brofoesi, ‘Ny dhervynn an gour ma an mernans, rag ev re gewsis orthyn yn hanow an Arloedh agan Duw.’

Mark 2:16

Ha pan y'n gwelsons ow tybri gans peghadoryon ha tolloryon, yn-medh an skribys ha'n Fariseow dh'y dhyskyblon, ‘Prag ymava ow tybri hag eva gans tolloryon ha peghadoryon?’

Luk 23:22

An tressa gweyth ev a leveris dhedha, ‘Pana dhrog a wrug an den ma? Ny gavav ynno ken dhe'n mernans; ytho my a wra y gessydhya hag ena y dhelivra.’

Luk 23:4

Ena yn-medh Pilat dhe'n bennoferysi ha'n routhow, ‘Ny gavav travyth kablus y'n den ma.’

Luk 5:30

Ha'n Fariseow ha'ga skribys a grodhvola war y dhyskyblon ow leverel, ‘Prag y tebrowgh hag eva gans tolloryon ha peghadoryon?’

Yowann 12:29

An routh neb a sevi ena a'n klewas, ha leverel hi dhe wul taran; re erell a leveris, ‘El re gewsis dhodho.’

Oberow 11:17

Rakhenna mar ros Duw dhedha an keth ro kepar dell ros dhyn ni pan gryssyn y'n Arloedh Yesu Krist, piw en vy may hallen lettya Duw?’

Oberow 22:6

‘Lemmyn dell hwarva, ha my y'm hyns ow tos nes dhe Damaskus a-dro dhe hanter-dydh, a-dhesempis mes a nev golow meur a splannas y'm kyrghynn,

Oberow 22:7

ha my a goedhas dhe'n dor, ha klewes lev ow leverel dhymm, “Sowl, Sowl, prag y'm persekutydh?”

Oberow 23:29

My a gavas y vos kuhudhys a-dro dhe wovynnow a'ga lagha, mes na veu kuhudhys a dravyth a dhervynnas na'n mernans na prisonyans.

Oberow 23:8

Rag Sadukeow a lever nag eus dasserghyans nag el na spyrys, mes Fariseow a's aswonn oll.

Oberow 25:25

Byttegyns, my a gonvedhas na wrug ev travyth ow tervynn an mernans, mes pan elwis ev y honan orth an Emperour, my a erviras y dhannvon.

Oberow 26:31

ha pan esens owth omdenna, i a leveris an eyl orth y gila, ‘Nyns usi an den ma ow kul travyth ow tervynn an mernans po chaynys.’

Oberow 27:23

Rag nyhewer y sevis rybov el a'n Duw neb a'm piw hag ynwedh neb a servyav,

Oberow 5:39

mes mars yw a Dhuw, ny yllowgh hwi aga distrui, na vowgh kevys yn tevri bos ow sevel erbynn Duw.’ Ytho i a obayas dhodho,

Oberow 9:4

hag ev a goedhas dhe'n dor, ha klewes lev ow leverel dhodho, ‘Sowl, Sowl, prag y'm helghydh vy?’

1 Korinthianys 10:22

A wren ni gul dhe'n Arloedh perthi avi? On ni kreffa agesso ev?

1 Samuel 12:5

Yn-medh ev dhedha, ‘An Arloedh yw test er agas pynn, ha'y untys yw test y'n jydh ma, na drovsowgh travyth y'm leuv.’ Hag i a worthybis, ‘Ev yw test.’

1 Samuel 24:17

Yn-medh ev dhe Davydh, ‘Ty yw moy gwiryon agesov; rag ty re'm dyghtyas yn ta, mes my re'th tyghtyas yn trog.