Oberow 23:12 - An Bibel Kernewek 20234 (Kernewek Kemmyn)

¹² Pan dheuth an jydh an Yedhewon a wrug bras yn-dann li a vollethi, na wrens dybri nag eva kyns i dhe ladha Powl.

Oberow 23:12 Iomraidhean Croise

Jenesis 37:18

Hag i a'n gwelas a-bell, hwath kyns ev dhe dhos nes dhedha, hag i a vrasas er y bynn dh'y ladha.

1 Myghternedh 19:2

Ena Yezebel a dhannvonas kannas dhe Elias, ow leverel, ‘Yndellma re wrello an duwow dhymm, ha moy keffrys, mar ny wrav dha vewnans avel bewnans onan anedha erbynn an termyn ma a-vorow.’

2 Myghternedh 6:31

Hag ev a leveris, ‘Re wrello Duw yndella dhymm ha moy ynwedh, mar pes penn Elisha mab Shafat war y dhiwskoedh hedhyw.’

Nehemia 10:29

a jun gans aga breder an ugheloryon hag omgelmi gans molleth ha ti dhe gerdhes yn lagha Duw a veu res dre Moyses gwas Duw, ha dhe witha ha dhe wul oll gorhemmynnow an Arloedh agan Arloedh ha'y vreusow ha'y ordenansow.

Ester 2:22

Godhvedhys o an dra gans Mordekay, hag ev a'n derivas orth Ester an vyghternes; hag Ester a'n derivas dhe'n myghtern yn hanow Mordekay.

Salmow 31:13

Rag my re glewas kabel lies huni; yth esa euth a bub tu, hag i owth omgusulya war-barth er ow fynn; i a dewlis towl dhe gemmeres ow bewnans.

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 44:25

Yndellma y lever Arloedh an luyow, Duw Ysrael: Hwi ha'gas gwragedh re gewsis gans agas ganow, ha kowlwul gans agas diwleuv, ow leverel, “Ni a gollenow agan ambosow re wrussyn, dhe leski offrynnow dhe vyghternes nev, ha dhe dhinewi offrynnow diwes dhedhi.” Kollenwewgh ytho agas ambosow, ha gwrewgh agas offrynnow diwes!

Levitikus 27:29

Den vytholl a vo sakrys dhe dhistruyans, ny vydh dasprenys. Ev a vydh gorrys dhe'n mernans.

Matthew 26:4

hag omgusulya fatell wrellens dalghenna Yesu dre doell ha'y ladha.

Matthew 26:74

Ena y tallathas mollethi ha lia, ‘Ny aswonnav an den.’ Ha desempis an kulyek a ganas.

Matthew 27:25

Ha'n bobel oll a worthybis ow leverel, ‘Re bo y woes warnan ni ha war agan fleghes.’

Oberow 23:13

Yth esa moy es dew-ugens a wrug an bras ma;

Oberow 23:14

i eth dhe'n bennoferysi ha'n henavogyon ha leverel, ‘Ni re omgolmas yn-dann li a vollethi na dhyppryn boes bys pan lytthyn Powl.

Oberow 23:21

Ty ytho, na vydh toellys gansa; rag moy es dew-ugens gour anedha a vynn y gontrewaytya, neb re omgolmas yn-dann li na wrellens dybri nag eva bys pan y'n latthens, ha lemmyn parys yns i, ow kortos dha ervirans.’

Oberow 23:30

Ha pan veu derivys dhymm bos bras erbynn an gour, a-dhistowgh my a'n dannvonas dhis, ha gorhemmynna dhe'n guhudhoryon leverel a-ragos pandr'eus gansa er y bynn.’

Oberow 25:3

ow kovynn favour dhiworto, ma'n galwa dhe Yerusalem, rag yth esens ow mynnes kontrewaytya rag y ladha y'n hyns.

Oberow 9:23

Pan o tremenys lies dydh an Yedhewon a vrasas war-barth rag y ladha;

Oberow 9:24

mes aga bras a dheuth ha bos godhvedhys dhe Sowl. I a aspias gluw orth an porthow, ha dydhweyth ha nosweyth, ma'n distruens;

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

2 Korinthianys 11:26

ow vyajya lieskweyth, yn peryll a avonyow, yn peryll a ladron, yn peryll a'm tus ow honan, yn peryll a Jentilys, yn peryll yn sita, yn peryll yn difeyth, yn peryll y'n mor, yn peryll a fals vreder,

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

1 Thessalonianys 2:16

orth agan lettya a gewsel orth an Jentilys may fens i selwys, may hwrellens kollenwel aga feghosow pup-prys. Mes an sorr a dheuth warnedha wortiwedh.

Yoshua 6:26

Yoshua a wrug an ti ma y'n termyn na, ow leverel, ‘Mollothek a-dherag an Arloedh a vydh an gour a assay dastrehevel an sita ma, Yeriko. Ev a worr an selyow orth kost y vab kynsa genys, ev a sett hy yetow yn-bann orth kost y vab yowynka.’

Yoshua 7:1

Mes mebyon Ysrael a veu dislen yn mater an taklow sakrys; Akan mab Karmi mab Zabdi mab Zeragh, a loeth Yuda, a gemmeras re a'n taklow sakrys; ha sorr an Arloedh a loskas erbynn an Ysraelysi.

Yoshua 7:15

An den yw kemmerys gans an tra sakrys a vydh leskys gans tan, ev hag oll a'n jeves, drefenn ev dhe dreuspassya erbynn kevambos an Arloedh ha drefenn ev dhe wul outray yn Ysrael.” ’

1 Samuel 14:24

An Ysraelysi o grevys an jydh na, drefenn Samuel dhe worra ti war an bobel ow leverel, ‘Mollothek re bo an gour neb a dheber boes kyns gorthugher dhe dhos, kyns my dhe dyli dial war ow eskerens.’ Ytho ny dastyas denvyth a'n bobel boes vyth.