Oberow 22:16 - An Bibel Kernewek 20234 (Kernewek Kemmyn)

¹⁶ Lemmyn, prag y hokydh? Sav yn-bann, bydh besydhys ha golgh dhe-ves dha beghosow, ow kelwel war y hanow.”

Oberow 22:16 Iomraidhean Croise

Salmow 119:60

My a fistenas ha ny dhelatis an termyn rag synsi dha worhemmynnow.

Salmow 51:2

Golgh vy yn tien a'm anewnder, ha glanha vy dhiworth ow fegh.

Yeremia 8:14

Prag yth on esedhys stag? Omguntellewgh, hag entryn y'n sitys kerys, ha merwel ena: rag an Arloedh agan Duw re'gan daskorras dhe'n mernans, ha ri dhyn dowr gwenonek dhe eva, drefenn ni dhe begha erbynn an Arloedh.

Yowann 13:8

Yn-medh Peder dhodho, ‘Nevra ny wolghydh ow threys evy’ Yesu a worthybis dhodho, ‘Mar ny wrav vy dha wolghi, nyns eus dhis rann genev vy.’

Oberow 2:21

hag ena myns a gri war hanow an Arloedh a vydh selwys.”

Oberow 2:38

Hag yn-medh Peder dhedha, ‘Kemmerewgh edrek, ha bedhes besydhys kettep penn ahanowgh yn hanow Yesu Krist rag gevyans agas peghosow, ha hwi a wra degemmeres ro an Spyrys Sans.

Oberow 7:59

Hag i ow labydha Stefan, ev a elwis war Dhuw, ow leverel, ‘Arloedh Yesu, degemmer ow spyrys’,

Oberow 9:14

hag omma ev a'n jeves awtorita dhiworth an bennoferysi dhe gelmi myns a grio war dha hanow.’

Oberow 9:18

Hag a-dhistowgh neppyth kepar ha skans a goedhas dhe-ves dhiworth y dhewlagas, hag ev a welas arta. Ena ev a sevis yn-bann hag a veu besydhys,

1 Korinthianys 1:2

Dhe eglos Duw usi yn Korinth, dhe'n re sanshes yn Krist Yesu, gelwys may fens i syns, gans oll an re na, yn pub tyller, a gri war hanow agan Arloedh Yesu Krist, Arloedh keffrys dhedha i ha dhyn ni:

1 Korinthianys 12:13

Rag der unn Spyrys ni oll a veu besydhys yn unn korf, Yedhewon po Grekys, kethyon po tus rydh, ha dhyn ni oll y feu gwrys dhe eva yn unn Spyrys.

1 Korinthianys 6:11

Hag yndella y fedha re ahanowgh hwi; mes golghys vewgh, sanshes vewgh, akwitys vewgh yn hanow an Arloedh Yesu Krist ha gans Spyrys agan Duw.

Galatianys 3:27

rag myns ahanowgh a veu besydhys yn Krist a wiskas Krist.

Efesianys 5:26

ma's gwrella sans, orth hy glanhe dre wolghas an dowr der an ger,

Titus 3:5

ny'gan selwis ev dre wriansow a wrussyn ni yn ewnder, mes war-lergh y dregeredh ev dre wolghi daskenesigeth ha nowydhheans an Spyrys Sans

Ebrowyon 10:22

nesyn gans kolonn wir yn surneth leun a fydh, agan kolonn purhes glan a debelgowses ha'gan korf golghys gans dowr pur.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,