Oberow 21:5 - An Bibel Kernewek 20234 (Kernewek Kemmyn)

⁵ Mes, ha'gan dydhyow ena diwedhys, ni eth alena ha pesya yn agan vyaj, i oll gans aga gwragedh ha'ga fleghes orth agan hembronk yn-mes a'n sita. Ena ni eth war benn-dewlin y'n treth ha pysi

Oberow 21:5 Iomraidhean Croise

1 Myghternedh 8:54

Lemmyn pan worfennas Solomon profya an pysadow ma ha'n pledyans ma dhe'n Arloedh, ev a sevis a-dherag alter an Arloedh, le may fia war benn-dewlin ha'y dhiwleuv ystynnys dhe nev;

2 Kroniklys 20:13

Yth esa oll Yuda ow sevel a-rag an Arloedh, gans aga fleghesigow, aga gwragedh, ha'ga mebyon.

Nehemia 12:43

Ha'n jydh na i a offrynnas sakrifisow bras ha lowenhe. Rag Duw a wrug dhedha lowenhe gans lowena bras; ha'n benynes ha'n fleghes a lowenhas ynwedh. Ha heudhder Yerusalem a veu klewys y'n pellder.

Salmow 95:6

Deun, gordhyen hag omblegya, gwren ni mos war benn-dewlin a-rag an Arloedh agan Gwrier.

Matthew 14:21

Ha'n re a dhybris o neb pymp mil wour, heb rekna benynes ha fleghes.

Mark 1:40

Hag y teuth unn klavorek dhodho, orth y bysi war benn-dewlin, ha leverel dhodho, ‘Mar mynnydh, ty a yll ow glanhe.’

Luk 22:41

Hag ev a omdennas dhiworta a-dro dhe hys towl-men, hag ow mos war benn-dewlin ev a bysi,

Oberow 15:3

Rakhenna, hag i dannvenys yn-rag gans an eglos, i a bassyas dre Fenikia ha Samaria, ow terivas yn kewar treylyans an Jentilys, hag i a ros heudhder meur dhe'n vreder oll.

Oberow 17:10

Hag a-dhistowgh, yn termyn nos, an vreder a dhannvonas yn-rag ha Powl ha Silas dhe Berea. Pan dheuthons di, i eth yn synaga an Yedhewon;

Oberow 20:36

Ha pan lavarsa an taklow ma, ow mos war benn-dewlin gansa oll, ev a bysis.

Oberow 20:38

duwenhes a'n moyha drefenn an pyth a lavarsa, na welens y fas arta. Hag i a'n hembronkas dhe'n gorhel.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.

Yoshua 24:15

Ha mars yw drog yn agas golok servya an Arloedh, dewisewgh hedhyw pyneyl a servyowgh, po an duwow a wrug agas tasow aga servya dres an avon, po duwow an Amorysi, mayth esowgh trigys yn aga thir; mes my ha'n teylu, ni a serv an Arloedh.’

Yoshua 8:35

Nyns esa ger a oll a worhemmynnis Moyses na lennas Yoshua a-rag oll kuntelles Ysrael, gans an benynes, an re vyghan, ha'n alyons esa trigys yn aga mysk.