Oberow 21:3 - An Bibel Kernewek 20234 (Kernewek Kemmyn)

³ Hag owth aspia Kyprus hag orth y asa a'n barth kledh, ni a woelyas dhe Syria ha dos yn-nans dhe Tyr drefenn bos res dhe'n gorhel diskarga ena.

Oberow 21:3 Iomraidhean Croise

2 Samuel 8:6

Ena Davydh a settyas savleow-goelyadoryon yn Aram Damaskus; hag Aram eth ha bos gostydh dhe Davydh, or tri trubyt. Yth esa an Arloedh ow ri trygh dhe Davydh plepynag yth e.

Salmow 45:12

Myrgh Tyr a vydh a-ragos gans ro, ha'n dus rych yn mysk an bobel a bys dha favour.

Salmow 87:4

My a venek Rahab ha Babylon orth an re a'm aswonn; a-dro dhe Filistia ha Tyr hag Ethiopia y leverir, ‘Hemma a veu genys ena.’

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Matthew 11:21

‘Go-jy Korasin! Go-jy Bethsada! rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, yn yskar ha lusu.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Luk 10:13

‘Go-jy Korasin! Go-jy Bethsaida! – rag mar pe gwrys yn Tyr ha Sidon an oberow galloesek a veu gwrys yn agas mysk, seuladhydh i a goedhsa yn edrek, esedhys yn yskar ha lusu.

Luk 2:2

An kovskrif ma, an kynsa, a hwarva pan veu Kwirinius governour Syria.

Oberow 11:19

Lemmyn an re a veu skattrys der an anken a hwarva a-dro dhe Stefan a vyajyas bys yn Fenikia ha Kyprus hag Antiogh, heb kewsel an ger marnas unnsel dhe Yedhewon.

Oberow 12:20

Lemmyn ev o fest serrys orth Tus Tyr ha Sidon; ha gans unn akord i a dheuth dhodho, ha wosa i dhe dhendil skoedhyans Blastus, chambourlen an myghtern, i a bysis kres, drefenn bos aga fow sostenys dhiworth gwlas an myghtern.

Oberow 13:4

Rakhenna, dannvenys yn-mes gans an Spyrys Sans, i eth yn-nans dhe Selewsia, hag alena i a woelyas dhe Kyprus.

Oberow 15:23

ha gansa an skrif ma: ‘An abesteli ha'n henavogyon, agas breder, dhe'n vreder a'n Jentilys dres Antiogh ha Syria ha Kilikia, salusyans.

Oberow 15:39

Hag yth esa strivyans hwerow, may tibarthsons an eyl dhiworth y gila, ha Barnabas a gemmeras Mark ha goelya dhe-ves dhe Kyprus.

Oberow 15:41

hag ev eth dre Syria ha Kilikia, ow krevhe an eglosyow.

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Oberow 21:16

Ha re a'n dhyskyblon a Sesarea eth genen ynwedh, orth agan hembronk dhe ji Mnason, den a Kyprus, dyskybel dhiworth an dalleth, may trikken ganso.

Oberow 21:2

Pan gavsen gorhel parys dhe vos dres an mor dhe Fenikia, ni eth a-bervedh ha goelya.

Oberow 21:7

Pan gowlwrussen an vyaj dhiworth Tyr, ni a dheuth dhe Ptolemais, may salussyn an vreder ha gortos gansa unn jydh.

Oberow 27:4

Ow mora alena ni a woelyas yn-dann goskes a Kyprus drefenn bos an gwynsow er agan pynn,

Oberow 4:36

Ha Yosep, henwys gans an abesteli Barnabas (treylys, henn yw ‘mab konfort’) Levyas, genesik a Kyprus,

Breusysi 10:6

Mebyon Ysrael a wrug arta an pyth o drog yn golok an Arloedh, ow kordhya an Baalim ha'n Ashtaroth, duwow Aram, duwow Sidon, duwow Moab, duwow an Ammonysi, ha duwow an Filistysi. Yndella i a asas an Arloedh, ha ny'n gordhyens.