Oberow 21:13 - An Bibel Kernewek 20234 (Kernewek Kemmyn)

¹³ Ena Powl a worthybis, ‘Pandr'a wrewgh hwi, owth oela ha treghi ow holonn? Rag parys ov vy dhe vos kelmys keffrys ha merwel yn Yerusalem a-barth hanow an Arloedh.’

Oberow 21:13 Iomraidhean Croise

1 Kroniklys 11:18

Gans henna an tri gour galloesek a dorras dre gamp an Filistysi, ha tenna dowr yn-mes a buth Bethlehem esa ryb an yet, ha'y dhri dhe Davydh. Byttegyns ny vynnas Davydh y eva hag ev a'n dinewis yn-mes dhe'n Arloedh,

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Yeremia 40:1

An ger hag a dheuth dhe Yeremia a-dhiworth an Arloedh wosa Nebuzaradan kapten an withysi y asa dhe vos a-dhiworth Rama, pan y'n kemmeras yn kadonyow gans oll kethyon Yerusalem ha Yuda esa ow pos divres dhe Babylon.

Ezekiel 18:2

Prag yth esowgh hwi owth usya an henlavar ma a-dro dhe bow Ysrael, ow leverel: ‘An tasow re dhybris grappys trenk, ha dyns an fleghes re dheuth ha bos sogh’?

Yona 1:6

An kapten a dheuth dhodho ha leverel, ‘Dar! prag yth es'ta ow koska? Sav, galw war dha Dhuw. Martesen Duw a wra vri ahanan, ma na wryllyn mos dhe goll.’

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 20:37

Hag yth esa meur a oelva gans oll, hag ow koedha war gonna Powl i a ammas dhodho,

Oberow 5:41

Rakhenna, i eth yn-mes dhiworth an konsel ow lowenhe, drefenn aga bos reknys gwiw dhe berthi disenor a-barth an hanow.

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

1 Korinthianys 15:31

Pub dydh y farwav – my a'n avow, breder, der ow bostyans a-dro dhywgh hag a'm beus yn Krist Yesu agan Arloedh.

Filippianys 2:17

Mes dhe wir, mars ov skoellys avel offrynn diwes war agas sakrifis ha'n gonis a'gas fydh, my a lowenha ha keslowenhe genowgh hwi oll;

Filippianys 2:26

a-ban yeuni ev war agas lergh pubonan, ha troblys veu rag hwi dhe glewes y vos klav.

Kolossianys 1:24

Lemmyn my a lowenha y'm galarow ragowgh, ha my a gowlwra an taklow a fyll dhe baynys Krist y'm kig rag y gorf, yw an eglos.

2 Timothi 1:4

hwansek dhe'th weles, hag ow perthi kov a dha dhagrow, may fiv lenwys a lowena,

2 Timothi 4:6

Rag yth esov vy ow pos diverys seulabrys avel offrynn diwes, ha devedhys yw termyn ow dibarth.

2 Peder 1:14

ow kodhvos my dhe worra dhe-ves yn skon ow thylda dell dhiskwedhas dhymm dhe wir agan Arloedh Yesu Krist,

Diskwedhyans 12:11

Hag i a'n fethas dre woes an Oen ha dre er aga dustuni, ha ny garsons aga bewnans bys yn ankow.

Diskwedhyans 3:10

Rag ty dhe witha ger ow ferthyans, my a vynn dha witha rag eur an prevyans a wra dos war oll an bys, dhe brevi an re a drig war an norvys.

1 Samuel 1:8

Hy gour Elkana a leveris dhedhi, ‘Prag yth oelydh? Ha prag na dhybrydh? Ha prag yth yw dha golonn trist? A nyns ov vy moy dhis ages deg mab?’

1 Samuel 15:14

Mes Samuel a worthybis, ‘Pandr'a styr an son ma a dheves y'm diwskovarn, ha son an gwarthek esov vy ow klewes?’