Oberow 20:9 - An Bibel Kernewek 20234 (Kernewek Kemmyn)

⁹ Hag unn gour yowynk henwys Ewtyghus, esa owth esedha y'n fenester, eth ha bos fethys dre gosk down ha Powl ow kewsel pella. Fethys dre gosk, ev a goedhas yn-nans dhiworth an tressa leur hag ev a veu kemmerys yn-bann yn farow.

Oberow 20:9 Iomraidhean Croise

1 Myghternedh 17:19

Mes ev a leveris dhedhi, ‘Ro dhymm dha vab.’ Ev a'n kemmeras a'y askra, ha'y dhoen dhe'n soler mayth esa trigys ha'y worra war y weli y honan.

Mark 13:36

rag own ev dhe dhos yn tromm ha'gas kavoes hwi ow koska.

Mark 9:26

Ha'n spyrys a grias, hag a ros dhodho lies shora, hag a dheuth yn-mes; hag y feu avel onan marow, may hwrug lies leverel, ‘Marow ywa.’

Oberow 14:19

Mes Yedhewon dhiworth Antiogh hag Ikonium a dheuth di, ha wosa dendil skoedhyans an routhow i a labydhas Powl ha'y dhraylya mes a'n sita, ow tybi ev dhe vos marow.

Oberow 20:10

Mes Powl eth yn-nans hag omblegya dresto, hag orth y wrynya ev a leveris, ‘Na vedhewgh yn ankres, rag yma y vewnans ynno.’

Oberow 20:7

Y'n kynsa dydh a'n seythun, pan omguntellsyn rag terri bara, yth esa Powl ow kewsel orta; drefenn y vos ervirys mos dhe-ves ternos, ev a besyas kewsel bys yn hanter-nos.

Oberow 20:8

Lemmyn yth esa lies lugarn yn stevell y'n soler mayth en ni kuntellys.