Oberow 20:3 - An Bibel Kernewek 20234 (Kernewek Kemmyn)

³ may spenas tri mis. Hag ev parys dhe woelya dhe Syria, bras a veu gwrys er y bynn gans an Yedhewon, hag ev a erviras dehweles dre Makedonia.

Oberow 20:3 Iomraidhean Croise

Ezra 8:31

Ena ni eth yn-kerdh dhiworth an avon Ahava yn dewdhegves dydh an kynsa mis, rag mos dhe Yerusalem; yth esa leuv agan Duw warnan, hag ev a'n sawyas dhiworth leuv an eskar, ha dhiworth neb a gontrewayt ryb an fordh.

Lavarow Koth 1:11

Mar leverons, ‘Deus genen, gwren kontrewaytya rag kavoes goes; gwren ni skolkya dhe vaglenna an den gwiryon heb ken;

Yeremia 5:26

Rag kevys yw tebeles yn mysk ow fobel : i a gontrewayt ow skolkya kepar hag edhnoryon, i a sett antell, i a dhalghenn gwer.

Matthew 4:24

ha'n son anodho a omlesas dres oll Syria, hag i a dhros dhodho oll an dus plagys gans lies eghenn a glevesow ha tormentys, ha'n re dalghennys gans dywolow, ha'n loerogyon ha'n balsyon, hag ev a's sawyas.

Oberow 16:12

hag alena dhe Filippi, hag yw pennsita y'n rann na a Makedonia, trevesigeth romanek. Ha ni a wodrigas y'n sita ma niver a dhydhyow.

Oberow 16:9

Ha gwelesigeth a omdhiskwedhas dhe Powl y'n nos: yth esa gour a Makedonia ow sevel, hag ev a'n pysis ow leverel, ‘Deus a-dreus bys yn Makedonia, ha gweres ni.’

Oberow 18:18

Wosa gortos lies dydh moy, Powl a leveris farwell gans an vreder ha goelya dhe-ves dhe Syria, ha ganso Priskilla hag Akwila, wosa ev dhe dreghi y wols yn Kenkrea; rag y feu dhodho ambos.

Oberow 19:21

Pan veu kollenwys an taklow ma, ervirys o Powl yn y spyrys mos dhe Yerusalem, ow tremena dre Makedonia hag Aghaia, hag ev a leveris, ‘Wosa mos di, y koedh dhymm gweles Rom ynwedh.’

Oberow 20:1

Pan hedhis an freudh, Powl a elwis war-barth an dhyskyblon ha'ga hennertha, ha wosa gasa kummyas anedha ev eth yn-rag dhe Makedonia.

Oberow 20:19

ow servya an Arloedh gans pub uvelder ha dagrow, ha prevyansow a goedhas warnav dre vrasow an Yedhewon,

Oberow 20:2

Hag ev ow mos der an ranndiryow, ev a's kennerthas gans lies ger, hag ev a dheuth yn Pow Grek,

Oberow 21:3

Hag owth aspia Kyprus hag orth y asa a'n barth kledh, ni a woelyas dhe Syria ha dos yn-nans dhe Tyr drefenn bos res dhe'n gorhel diskarga ena.

Oberow 25:3

ow kovynn favour dhiworto, ma'n galwa dhe Yerusalem, rag yth esens ow mynnes kontrewaytya rag y ladha y'n hyns.

2 Korinthianys 1:15

A-ban en vy sur a hemma, ervirys en dhe vos dhywgh wostalleth, ma'gas be favour diwweyth;

2 Korinthianys 11:26

ow vyajya lieskweyth, yn peryll a avonyow, yn peryll a ladron, yn peryll a'm tus ow honan, yn peryll a Jentilys, yn peryll yn sita, yn peryll yn difeyth, yn peryll y'n mor, yn peryll a fals vreder,

2 Korinthianys 7:5

Yn tevri, pan dheuthen ni yn Makedonia nyns esa dh'agan korf powes vyth, mes galar a berthsyn ni yn pub fordh; strifow a-ves ahanan, own a-ji dhyn.

Galatianys 1:21

Ena my a dheuth dhe ranndiryow Syria ha Kilikia.