Oberow 2:43 - An Bibel Kernewek 20234 (Kernewek Kemmyn)

⁴³ Hag own a dheuth dhe bub enev; ha meur a varthusyon hag toknys a hwarva der an abesteli.

Oberow 2:43 Iomraidhean Croise

Ester 8:17

hag yn pub rannvro, hag yn pub sita, plepynag y teffa gorhemmynn an myghtern ha'y arghadow, dhe'n Yedhewon yth esa heudhder ha lowender, kevewi ha dydh da. Ha lies huni dhiworth poblow an tir eth ha bos Yedhewon rag own a'n Yedhewon.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Luk 7:16

Hag own a's kemmeras oll, hag yth esens ow kormel Duw, ow leverel, ‘Profoes meur re sevis yn agan mysk’, ha ‘Duw re wrug vri a'y bobel.’

Luk 8:37

Hag oll an routh a bow an Gadarenys a wre y bysi a'ga gasa, rag dalghennys vons i gans own meur; ytho ev eth yn gorhel ha dehweles.

Yowann 14:12

Yn hwir, yn hwir y lavarav dhywgh, ev neb a grys ynnov vy, ev ynwedh a wra an oberow a wrav vy, hag oberow brassa agessa a wra, rag yth esov vy ow mos dhe'n Tas.

Oberow 2:22

‘Gwer Ysrael, klewewgh an geryow ma: Yesu a Nazareth, gour kommendys dhywgh gans Duw, gans oberow galloesek ha marthusyon hag toknys hag a wrug Duw dredho yn agas mysk, dell wodhowgh hwi agas honan,

Oberow 4:33

Ha gans nerth meur an abesteli a dhegi aga dustuni a dhasserghyans an Arloedh Yesu, hag yth esa gras meur warnedha i oll.

Oberow 5:5

Pan glewas Ananias an geryow ma, ev a goedhas dhe'n leur, hag ev a verwis; hag own meur a dheuth war beub a glewas anedhi.

Oberow 9:34

Yn-medh Peder dhodho, ‘Ayneas, Yesu Krist a'th yaghha; sav yn-bann ha kempenn dha weli.’ Hag a-dhistowgh ev a sevis yn-bann.

Oberow 9:40

Mes Peder a's gorras i oll yn-mes, ha mos war benn-dewlin ha pysi; ena ow treylya dhe'n korf ev a leveris, ‘Tabitha, sav yn-bann.’ Ha hi a igoras hy dewlagas, ha pan welas hi Peder hi a esedhas yn-bann.