Oberow 2:40 - An Bibel Kernewek 20234 (Kernewek Kemmyn)

⁴⁰ Ha gans meur a eryow erell ev a dhug dustuni ha'ga ynnia, ow leverel, ‘Bedhewgh selwys a'n henedh gorth ma.’

Oberow 2:40 Iomraidhean Croise

Lavarow Koth 9:6

Gesewgh sempledh ha bewewgh, ha kerdhewgh y'n fordh a gonvedhes.’

Yeremia 51:45

Dewgh yn-mes anedhi, ow fobel! Sawyewgh agas bewnans, peub ahanowgh, a-dhiworth sorr fers an Arloedh!

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 16:4

Henedh drog hag avoutrek a hwila tokyn, mes ny vydh tokyn res dhodho saw tokyn Yona.’ Hag ev a's gasas ha mos yn-kerdh.

Matthew 17:17

Ha Yesu a worthybis ha leverel, ‘A henedh diskryjyk ha kammhynsek, pes termyn y fydhav genowgh? Pes termyn y res dhymm agas perthi? Dro ev omma dhymmo.’

Matthew 23:33

Hwi serf! Hwi askorr nadres! Fatell yllowgh diank dhiworth breus ifarn?

Mark 8:38

Piwpynag, ytho, a'n jeffo meth ahanav vy ha'm lavarow y'n henedh ma, leun a avoutri ha pegh, anodho ev ynwedh Mab an den a'n jevydh meth pan dheffo yn glori y Das gans an eledh sans.’

Luk 16:28

rag yma dhymm pymp broder, dh'aga gwarnya, ma na dheffons i ynwedh bys y'n tyller ma a dorment.”

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

Yowann 21:25

Hag yma ynwedh lies tra arall a wrug Yesu. Mar pe pubonan anedha skrifys, ny dybav an bys dhe alloes synsi an lyvrow a via skrifys.

Oberow 10:42

hag ev a erghis dhyn pregoth dhe'n bobel ha doen dustuni ev dhe vos neb re beu ordenys gans Duw avel breusyas a'n re vew ha'n re varow.

Oberow 15:32

Yudas ha Silas, o aga honan profoesi, a gennerthas an vreder gans lies ger, ha'ga grevhe.

Oberow 20:11

Ena Powl a yskynnas ha wosa terri an bara ha dybri, ev a besyas keskewsel bys yn bora; ena ev eth yn-mes.

Oberow 20:2

Hag ev ow mos der an ranndiryow, ev a's kennerthas gans lies ger, hag ev a dheuth yn Pow Grek,

Oberow 20:21

hag ow tustunia keffrys dhe Yedhewon ha dhe Grekys a-dro dhe edrek a-rag Duw ha fydh yn agan Arloedh Yesu.

Oberow 20:24

Mes ny akontyav ow bewnans a vri vyth dhymmo vy, unnweyth a kallen kowlwul ow resegva, ha'n menystrans a dhegemmeris dhiworth an Arloedh Yesu, rag doen dustuni dhe'n aweyl a ras Duw.

Oberow 20:9

Hag unn gour yowynk henwys Ewtyghus, esa owth esedha y'n fenester, eth ha bos fethys dre gosk down ha Powl ow kewsel pella. Fethys dre gosk, ev a goedhas yn-nans dhiworth an tressa leur hag ev a veu kemmerys yn-bann yn farow.

Oberow 28:23

I a settyas dydh ganso, hag i a dheuth yn y ji, meur aga niver. A vyttin bys yn gorthugher ev a styryas dhedha, ow toen dustuni a-dro dhe wlaskor Duw, hag owth assaya gul dhedha krysi a-dro dhe Yesu, dhiworth lagha Moyses keffrys dhiworth an brofoesi.

Oberow 4:36

Ha Yosep, henwys gans an abesteli Barnabas (treylys, henn yw ‘mab konfort’) Levyas, genesik a Kyprus,

2 Korinthianys 5:20

Rakhenna, a-barth Krist kannasow on ni, kepar dell vo Duw ow pledya dredhon. Ni a'gas pys, a-barth Krist, bedhewgh unnverhes gans Duw.

2 Korinthianys 6:17

Rakhenna dewgh yn-mes a-dhiworta, ha bedhewgh diberthys, yn-medh an Arloedh, ha na dochyewgh travyth avlan, ha my a wra agas degemmeres,

Galatianys 5:3

Desta a wrav dhe bub den a dhegemmer trodreghyans y fydh kendoner dhe synsi oll an lagha.

Efesianys 4:17

Hemma a lavarav ha dustunia y'n Arloedh, na wrellowgh kerdhes namoy kepar dell gerdh an Jentilys yn euveredh aga brys;

Dewteronomi 32:5

I re'n dyghtyas yn fals, nyns yns i y vebyon drefenn aga namm; yth yns i henedh gorth ha kamm.

Filippianys 2:15

may fewgh divlam ha heb drog, fleghes heb namm a Dhuw, yn mysk kenedhel gamm ha treus, ha hwi a splann yn aga mysk kepar ha golowys y'n bys,

1 Thessalonianys 2:11

Hwi a woer fatell wrussyn ni agas dyghtya, pubonan ahanowgh, kepar dell wra tas y fleghes ev,

1 Timothi 4:16

Bydh war a-dro dhiso jy dha honan, hag a-dro dhe'th tyskas; gwra pesya ynna i, rag, ow kul yndella, ty a wra omselwel, ha selwel ynwedh dha woslowysi.

1 Peder 5:12

Dre Silvanus, broder lel, my a dyb, re skrifis vy dhywgh war nebes lavarow, ow keski ha dustunia bos hemma gwir ras Duw; sevewgh fyrv ynno.