Oberow 2:4 - An Bibel Kernewek 20234 (Kernewek Kemmyn)

⁴ hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

Oberow 2:4 Iomraidhean Croise

2 Samuel 23:2

Spyrys an Arloedh a gews dredhov, yma y lavar war ow thaves.

Ysay 28:11

Yn hwir, gans gweusyow estren ha gans taves alyon ev a gews orth an bobel ma,

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Yeremia 6:11

Ytho leun ov vy a gonnar an Arloedh; skwith ov vy owth omfronna. Gwra hy dinewi war an fleghes y'n stret, ha war guntelles an wer yowynk maga ta: rag hwath an gour gans an wreg a vydh maglennys, an henavek ha'n den leun a dhydhyow.

Ezekiel 3:11

Ha ke, deus dhe'n dhivresow, dhe vebyon dha bobel, ha kows orta. Lavar dhedha, ‘Yndellma y lever an Arloedh Duw’, mar koslowons po mar skonyons.

Mika 3:8

Saw my, lenwys a alloes ov vy, a spyrys an Arloedh, a wirvreus ha nerth, rag disklerya dhe Yakob y gammweythres ha dhe Ysrael y beghadow.

Matthew 10:19

Mes pan wrons agas daskorr na vedhewgh prederus fatell po pandr'a leverowgh; rag y fydh res dhywgh y'n eur na an dra y koedh dhywgh y leverel;

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Luk 1:15

Rag ev a vydh meur a-dherag an Arloedh, ha gwin ha diwes ny wra ev dhe eva mann, ha lenwys vydh ev a'n Spyrys Sans, ha henna dhiworth brys y vamm,

Luk 1:41

Ha pan glewas Elisabeth salusyans Maria, an flogh a lammas yn hy brys; hag Elisabeth a veu lenwys a'n Spyrys Sans,

Luk 1:67

Ena y das Zakaria a veu lenwys a'n Spyrys Sans, hag ev a brofoesas, ow leverel,

Luk 12:12

rag an Spyrys Sans a dhysk dhywgh y'n eur na pandr'a goedh dhywgh y leverel.’

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 4:1

Ha Yesu, leun a'n Spyrys Sans, a dhehwelis dhiworth an Yordan hag yth esa hembrenkys a-dro gans an Spyrys y'n gwylvos

Yowann 14:26

Mes an Konforter, an Spyrys Sans neb a wra an Tas y dhannvon y'm hanow vy, ev a dhysk dhywgh pup-tra ha'gas kovha a bup-tra a leveris dhywgh.

Yowann 20:22

Ha wosa leverel hemma, ev a anellas warnedha ha leverel dhedha, ‘Degemmerewgh an Spyrys Sans.

Oberow 1:5

‘Rag Yowann a vesydhyas gans dowr, mes kyns lies dydh besydhys vydhowgh gans an Spyrys Sans.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 10:46

rag i a's klewas ow kewsel yn tavosow hag ow meurhe Duw. Ena Peder a worthybis,

Oberow 10:47

‘A yll nebonan difenn dowr dhe'n re ma na vons besydhys, neb re dhegemmeras an Spyrys Sans kepar ha ni ynwedh?’

Oberow 11:15

Ha my ow talleth kewsel, an Spyrys Sans a goedhas warnedha kepar dell wrug warnan ni y'n dalleth.

Oberow 11:24

rag gour da o, leun a'n Spyrys Sans hag a fydh. Ha niver meur a dus a veu keworrys dhe'n Arloedh.

Oberow 13:52

Ha'n dhyskyblon a veu lenwys a lowena hag a'n Spyrys Sans.

Oberow 13:9

Mes Sowl (neb o Powl ynwedh), lenwys a'n Spyrys Sans, ow mires stark orto a leveris,

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Oberow 19:6

Ha Powl ow korra y dhiwla warnedha, an Spyrys Sans a dheuth warnedha, hag i a dhallathas kewsel yn tavosow ha profoesa.

Oberow 2:11

ha Yedhewon ha proselytys, tus a Kreta hag Arabyon, ni a's klew ow kewsel yn agan yethow a oberow meur Duw.’

Oberow 2:3

ha tavosow kepar ha tan a omdhiskwedhas dhedha, lesrynnys hag ow powes war bub huni anedha,

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Oberow 4:8

Ena Peder, lenwys a'n Spyrys Sans, a leveris dhedha, ‘Rewloryon a'n bobel ha henavogyon,

Oberow 6:3

Rakhenna, breder, hwilewgh yn agas mysk seyth gour gerys-da, leun a'n Spyrys hag a furneth, neb a wren ni apoyntya dhe'n charj ma;

Oberow 6:5

Ha'n lavar a blesyas an gemmynieth oll, hag i a dhewisas Stefan, gour leun a fydh hag a'n Spyrys Sans, ha Felip ha Proghorus ha Nikanor ha Timon ha Parmenas ha Nikolas, proselyt a Antiogh.

Oberow 6:8

Ha Stefan, leun a ras hag a nell, a wrug marthusyon meur hag toknys yn mysk an bobel.

Oberow 7:55

Mes leun a'n Spyrys Sans, hag ow mires stark yn nev, ev a welas golewder Duw ha Yesu ow sevel dhe'n barth dhyghow dhe Dhuw;

Oberow 8:17

Ena i a worras aga diwla warnedha, hag i a dhegemmeras an Spyrys Sans.

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’

Romanyon 15:13

Re'gas lanwo an Duw a wovenek a bub lowender hag a gres yn krysi, rag may palshahowgh yn govenek dre alloes an Spyrys Sans.

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

1 Korinthianys 13:1

Mar lavarren yn tavosow a dus hag a eledh, ha my heb kerensa, brest ughel y son po symbal ow tynkyal y fien.

1 Korinthianys 13:8

Kerensa ny fyll nevra; mes mars eus profoesansow, i a wra gorfenna; po tavosow, i a wra difygya; po godhvos, ev a wra gorfenna.

1 Korinthianys 14:18

Dhe Dhuw y hwonn gras my dhe gewsel yn tavosow moy agesowgh hwi oll;

1 Korinthianys 14:5

My a vynn orthowgh hwi oll kewsel yn tavosow, mes moy es henna, profoesa; neb a brofoes yw brassa ages neb a gews yn tavosow, marnas nebonan a styr, may fo an eglos drehevys.

Efesianys 3:19

ha dhe aswonn kerensa Krist a dremen dres aswonnvos, may fewgh lenwys a oll leunder Duw.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Efesianys 6:18

Dre bub pysadow ha govenek, pysewgh pub eur oll y'n Spyrys; ha dhe'n porpos na, bedhewgh hewoel gans pub diwysykter ha pysadow rag oll an syns,

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

2 Peder 1:21

Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.

1 Samuel 1:14

Ytho Eli a leveris dhedhi, ‘Pes termyn y fydhydh medhow? Gorr dhe-ves dha win a-dhiworthis.’

1 Samuel 10:10

Hag i ow mos di dhe Gibea, otta, bagas a brofoesi a'n dyerbynnas; ha Spyrys Duw a'n dalghennas, hag ev a brofoesas yn aga mysk.