Oberow 2:39 - An Bibel Kernewek 20234 (Kernewek Kemmyn)

³⁹ Rag yma'n dedhewadyow dhywgh hwi ha dh'agas fleghes ha dhe'n re usi pell, myns a alwo an Arloedh agan Duw dhodho.’

Oberow 2:39 Iomraidhean Croise

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 59:20

Ev a dheu dhe Sion avel Dasprenyas, ha dhe'n re a dreyl dhiworth rebellyans yn Yakob, yn-medh an Arloedh.

Ysay 65:23

Ny lavuryons yn euver, na dhineythi fleghes dhe euth; rag i a vydh has bennigys gans an Arloedh, ha'ga henedh gansa.

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Yoel 2:28

Ha wosa hemma my a dhinwa ow spyrys war gig oll, ha'gas mebyon ha'gas myrghes a wra profoesa, ha'gas tus koth a hunros hunrosow ha'gas gwer yowynk a wel gwelesigethow.

Yoel 2:32

Ena y fydh sawys pubonan neb a elow war hanow an Arloedh; rag yn menydh Sion y fydh remenant dell leveris an Arloedh, hag yn Yerusalem an re a dhienk, neb a wra an Arloedh aga gelwel.

Oberow 10:45

Ha'n gryjygyon a'n trodreghyans neb re dhothya gans Peder a veu sowdhenys, drefenn bos ro an Spyrys Sans dinewys war an Jentilys ynwedh;

Oberow 14:27

Ha pan ens i devedhys i a guntellas war-barth an eglos ha derivas an taklow re wrussa Duw dredha, ha fatell igorsa daras a fydh dhe'n Jentilys.

Oberow 15:14

Simon re dherivas fatell dheuth Duw dhe'n Jentilys y'n kynsa, rag kemmeres dhiworta pobel rag y hanow ev.

Oberow 15:3

Rakhenna, hag i dannvenys yn-rag gans an eglos, i a bassyas dre Fenikia ha Samaria, ow terivas yn kewar treylyans an Jentilys, hag i a ros heudhder meur dhe'n vreder oll.

Oberow 15:8

Duw, neb a aswonn kolonnow, a dhustunias ow ri dhedha an Spyrys Sans, dell wrug ev dhyn ni ynwedh,

Romanyon 11:29

Rag antreylyadow yw rohow ha galow Duw.

Romanyon 8:30

Ha'n re a ragdhestnas, ev a's elwis ynwedh; ha'n re a elwis, ev a's justifias ynwedh; ha'n re a justifias, ev a's glorifias ynwedh.

Romanyon 9:24

bys dhyn ni neb re elwis, na veu unnsel a'n Yedhewon, mes ynwedh a'n kenedhlow?

Romanyon 9:4

Ysraelysi yns ha dhedha yw an adoptyans avel mebyon, an golewder, an kevambosow, ri an lagha, an servis ha'n ambosow,

1 Korinthianys 7:14

Rag an gour diskryjyk re beu sakrys der an wreg, ha'n wreg dhiskryjyk re beu sakrys der an gour. Poken, avlan via agas fleghes, mes lemmyn sans yns i.

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 2:12

agas bos y'n eur na heb Krist, estrenhes dhiworth kemmynieth Ysrael, hag estrenyon dhe gevambosow an dedhewadyow, heb govenek, ha heb Duw y'n bys.

Efesianys 4:4

Yma unn korf hag unn Spyrys, kepar dell vewgh gelwys yn unn govenek a'gas galow;

Dewteronomi 29:15

mes ganso ev neb usi ow sevel genen omma hedhyw a-rag an Arloedh agan Duw, hag ynwedh ganso ev nag usi omma genen hedhyw.

2 Thessalonianys 1:11

Rakhenna ynwedh ni a bys ragowgh pup-prys, may hwrello agan Duw agas gul gwiw dhe'n galow, hag yn nerth kollenwel pub hwans a dhader hag ober fydh,

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

Ebrowyon 3:1

Ytho, breder sans, kevrennoryon y'n galwans nevek, prederewgh a Yesu, abostol hag arghoferyas agan professyans;

Ebrowyon 9:15

Yndella ev yw mayn an kevambos nowydh, may hwrello an re yw gelwys degemmeres an eretons ambosys bys vykken, a-ban mernans dhe hwarvos rag aga daspren a'n peghadow yn-dann an kynsa kevambos.

1 Peder 5:10

Lemmyn, Duw pub ras, neb a'gas gelwis dh'y splannder heb diwedh yn Krist Yesu, wosa hwi dhe wodhevel pols, a wra y honan agas gul perfydh, fastya, krevhe ha selya.

2 Peder 1:10

Rakhenna, a vreder, bedhewgh dhe voy diwysyk dhe fastya agas galow ha'gas dewis; rag mar kwrewgh an taklow ma, ny wrewgh trebuchya bynitha.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

Diskwedhyans 17:14

An re ma a wra gwerrya erbynn an Oen, ha'n Oen a wra aga thryghi: drefenn y vos Arloedh arlydhi, ha Myghtern myghternedh, ha'n re usi ganso yw gelwys, ha dewisys, ha len.’

Diskwedhyans 19:9

Hag ev a leveris dhymm, ‘Skrif: Gwynn aga bys an re gelwys dhe woel demmedhyans an Oen.’ Hag ev a leveris dhymm, ‘An re ma yw gwir lavarow Duw.’