Oberow 2:37 - An Bibel Kernewek 20234 (Kernewek Kemmyn)

³⁷ Pan glewsons hemma, gwenys vons y'n golonn, hag i a leveris dhe Peder ha dhe'n abesteli erell, ‘Breder, pandr'a wren ni?’

Oberow 2:37 Iomraidhean Croise

Luk 3:10

Ha'n routhow a wovynni orto, ‘Ytho pandr'a goedh dhyn ni dhe wul?’

Oberow 22:10

Hag yn-medhav, “Pandr'a goedh dhymm y wul, Arloedh?” Ha'n Arloedh a leveris dhymm, “Sav yn-bann, ke yn Damaskus, hag ena y fydh leverys dhis a-dro dhe oll an taklow re beu ordenys dhis dhe wul.”

Luk 3:14

Ha soudoryon ynwedh a wovynni orto ow leverel, ‘Ha ni, pandr'a wren ni?’ Hag ev a leveris dhedha, ‘Na ledrewgh dre wodros dhiworth denvyth, ha na guhudhewgh yn fals, ha bedhewgh kontentys gans agas arveth.’

Luk 3:12

Ynwedh tolloryon a dheuth dhe vos besydhys ha leverel dhodho, ‘Mester, pandr'a wren?’

Yowann 8:9

Mes an re a'n klewas omdennas onan hag onan, ow talleth gans an henavogyon, ha nyns o gesys saw ev, ha'n venyn a-ragdho.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Romanyon 7:9

Ow pewa yth esen a-der an lagha, mes pan dheuth an gorhemmynn, dasserghi a wrug pegh,

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.

Oberow 5:33

Ha pan glewsons hemma, i a veu serrys meur, ha mynnes aga ladha.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Oberow 1:16

‘Breder, res o an skryptor dhe vos kollenwys, a dharganas an Spyrys Sans dre anow Davydh a-dro dhe Yudas, neb a dheuth ha bos gidyer dhe'n re a dhalghennas Yesu,

Salmow 73:21

Rag moredhek o ow holonn, ha gloesow a envi eth der ow diwloneth.

Ekklesiastes 12:11

Geryow tus fur yw kepar ha pigeryow, ha lavarow kuntellys yw kepar ha kentrow takkys fast; i re beu res gans unn bugel.

Ysay 21:12

An goelyador a lever, ‘Yma myttin ow tos, ha nos ynwedh. Mar kovynnowgh, govynnewgh; Dehwelewgh, dewgh.’