Oberow 2:3 - An Bibel Kernewek 20234 (Kernewek Kemmyn)

³ ha tavosow kepar ha tan a omdhiskwedhas dhedha, lesrynnys hag ow powes war bub huni anedha,

Oberow 2:3 Iomraidhean Croise

Jenesis 11:6

Hag yn-medh an Arloedh, ‘Awotta, unn bobel yns i, hag yma unn taves dhedha i oll; ha hemm yw an dalleth a'ga ober; lemmyn ny vydh travyth na allons i y wul mar mynnons.

Salmow 55:9

Distru, A Arloedh, ha fols aga thavosow; rag my re welas garowder ha strif y'n sita.

Ysay 6:5

Ena my a leveris, ‘Go-vy! diswrys ov vy, rag gour avlan y dhiwweus ov vy, ha trigys esov yn mysk pobel avlan hy diwweus; rag ow dewlagas re welas an Myghtern, Arloedh an luyow.’

Yeremia 23:29

A nyns yw ow ger avel tan? yn-medh an Arloedh, hag avel morthol a derr karrek dhe demmyn?

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Matthew 3:15

Mes Yesu a worthybis ow leverel dhodho, ‘Gas henna dhe vos lemmyn, rag yndellma y tegoedh dhyn kollenwel pub ewnder.’ Ena ev a assentyas.

Luk 24:32

Ena yn-medhons an eyl dh'y gila, ‘A nyns esa agan kolonn ow leski ynnon hag ev ow kewsel genen y'n fordh hag owth igeri an skryptors dhyn?’

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 2:11

ha Yedhewon ha proselytys, tus a Kreta hag Arabyon, ni a's klew ow kewsel yn agan yethow a oberow meur Duw.’

Oberow 2:2

hag a-dhesempis y teuth mes a nev tros kepar ha gwyns nerthek ha hwyflyn, hag ev a lenwis oll an chi mayth ens esedhys,

Oberow 2:4

hag i oll a veu lenwys a'n Spyrys Sans ha dalleth kewsel yn yethow erell, dell ros an Spyrys dhedha galloes dhe gewsel.

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

Jamys 3:6

Ha tan yw an taves, norvys kammhynseth. Settys yw an taves yn mysk agan eseli, ow mostya an korf dien hag ynflammya an ros a vewnans, ow kavoes y dan dhiworth ifarn.

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

Diskwedhyans 14:6

Ha my a welas ken el ow nija yn kres nev gans an aweyl heb hedhi dhe bregoth dhe neb a drig war an norvys, ha dhe bub kenedhel ha loeth ha taves ha pobel,