Oberow 2:23 - An Bibel Kernewek 20234 (Kernewek Kemmyn)

²³ an keth hemma, daskorrys herwydh towl fyrv ha ragwodhvos Duw, hwi a'n kemmeras, dre dhiwla tus a-ves dhe'n lagha, ha'y ladha, orth y fastya y'n grows,

Oberow 2:23 Iomraidhean Croise

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Salmow 76:10

Sorr mab-den a dreyl dhe'th wormola; remenant an sorr ty a wisk a-dro dhis avel grogys.

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Daniel 4:35

ha pub annedhyas a'n norvys yw reknys avel mann; kepar dell vynno y hwra yn mysk lu an nev, hag yn mysk annedhysi an norvys; ny yll denvyth lettya y dhorn na leverel dhodho, ‘Pandr'a wredh?’

Matthew 20:19

ha'y dhaskorr dhe'n Jentilys dhe vos skornys ha skorjys ha krowsys, hag y'n tressa dydh ev a wra dasserghi.’

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Matthew 27:35

Ha pan y'n krowssons i a rannas y dhillas ow tewlel prenn.

Mark 15:24

Hag i a'n krowsyas, ha ranna y dhillas, ow tewlel prenn warnedha, pandr'a gemmerra pubonan.

Luk 22:22

Rag devri Mab an den a yn-rag dell veu ordenys, mes go-ev an den na, dredho mayth yw traytys.’

Luk 22:37

Rag my a lever dhywgh, res yw an skryptor ma dhe vos kollenwys ynnov vy, “Ev a veu reknys yn mysk drogoberoryon”; hag yn hwir an pyth yw skrifys ahanav a dheu dhe geweras.’

Luk 23:33

Ha pan dheuthons dhe'n tyller henwys An Grogen, i a growsyas Yesu ena, ha'n dhrogoberoryon, an eyl a-dhyghow ha'y gila a-gledh.

Luk 24:20

ha fatell wrug agan pennoferysi ha'gan rewloryon y dhelivra dhe vos dampnys dhe'n mernans, hag i a'n krowssons.

Yowann 19:18

i a'n krowsyas ena ha ganso dew arall, onan a bub tu, ha Yesu y'n kres.

Yowann 19:24

Yn-medhons ytho an eyl dh'y gila, ‘Na wren hy skwardya, mes gwren ni tewlel prenn rygdhi, piw y fydh dhodho’; may fe kollenwys an skryptor a lever, ‘I a rannas ow dillas yntredha, ha war ow gwisk i a dewlis prenn.’ Ytho an soudoryon a wrug an taklow ma.

Oberow 13:27

Rag an re trigys yn Yerusalem ha'ga rewloryon, drefenn na'n aswonnsons, na konvedhes lavarow an brofoesi yw redys pub sabot, orth y vreusi re's kollenwis.

Oberow 15:18

godhvedhys a-dhia dermyn pell.”

Oberow 2:36

Rakhenna, godhvydhes oll chi Ysrael diogel, Duw re'n gwrug hag Arloedh ha Krist, an keth Yesu ma a growssowgh hwi.’

Oberow 3:18

mes yndella Duw a gollenwis an taklow a dharganas ev dre anow an brofoesi oll, y Grist dhe wodhevel.

Oberow 4:28

rag gul an pyth a ragdhestnas dha leuv ha'th towl may fe gwrys.

Oberow 5:28

ow leverel, ‘Ni a erghis dhywgh yn stroeth ma na dhyskewgh y'n hanow ma, mes otta, hwi re lenwis Yerusalem a'gas dyskas, hag ervirys owgh dhe dhri warnan ni goes an gour ma.’

Oberow 5:30

Duw agan tasow a dhrehevis Yesu, neb a ladhsons orth y gregi yn gwydhenn;

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Romanyon 2:12

Pub huni re beghas yn-mes a'n lagha a verow yn-mes a'n lagha, ha pub huni re beghas yn-dann an lagha a vydh breusys yn-dann an lagha.

Romanyon 4:17

Dell yw skrifys, ‘My re'th wrug tas kenedhlow pals’ – a-rag an Duw may fydhyas ynno, neb a re bewnans dhe'n re varow hag a elow dhe vosva an taklow na's teves bosva.

1 Thessalonianys 2:15

a wrug ladha an Arloedh Yesu Krist ha'n brofoesi, ha'gan helghya yn-mes heb plegya dhe Dhuw, hag owth arvedh pub den oll,

1 Peder 1:2

dewisys war-lergh ragwodhvos Duw an T as, yn sansheans an Spyrys, dhe wostytter ha skoellyans goes Yesu Krist: Gras ha kres re bo palshes dhywgh hwi.

1 Peder 1:20

Ragaswonnys ova kyns selyans an bys, mes diskwedhys y'n termynyow diwettha ragowgh hwi,

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Diskwedhyans 13:8

Hag oll trigoryon an norvys a wra y wordhya, nag yw skrifys aga henwyn yn lyver bewnans an Oen a veu ledhys, a-ban veu an norvys dallethys.