Oberow 2:17 - An Bibel Kernewek 20234 (Kernewek Kemmyn)

¹⁷ “Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Oberow 2:17 Iomraidhean Croise

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Jenesis 6:12

Ha Duw a welas an nor hag awotta, legrys ova, rag pub kig re wrussa legri y fordh war an nor.

Salmow 65:2

Ty neb a woslow orth pysadow, dhiso jy y teu pub kig.

Salmow 72:6

Re dhiyskynno avel glaw war an gwels goera, avel kowasow a dhowrha an dor.

Lavarow Koth 1:23

Koelewgh orth ow heredh; otta! my a dhinwa ow spyrys dhywgh, my a wra ow geryow dhe vos godhvedhys genowgh.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 44:3

Rag my a dhinwa dowr war an syghtir, ha stredhow war an dor krin; ha my a dhinwa ow spyrys war dha has, hag ow bennath war dha agh.

Ysay 49:26

My a wra dhe'th waskoryon dybri aga hig aga honan, ha gans aga goes aga honan y fydhons medhow, par dell ve gans gwin. Ena pub kig oll a wodhvydh my dhe vos an Arloedh, dha Selwador ha'th Tasprenyas, an Galloesek a Yakob.

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Ezekiel 11:19

My a re dhedha unn golonn, ha my a worr spyrys nowydh ynnowgh; my a gemmer an golonn a ven dhiworth aga horf ha ri dhedha kolonn a gig,

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Daniel 10:14

Devedhys ov rag gul dhis konvedhes an pyth a hwyrvydh dhe'th pobel yn diwedh an dydhyow, rag bos an welesigeth rag an dydhyow a dheu.’

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Zekaria 12:10

Ha my a wra diveri war ji Davydh ha trigoryon Yerusalem spyrys a ras ha pysadow. I a wra mires warnav vy neb re wansons, ha kyni ragdho avel kynvann rag an unn vab, ha mornya ragdho yn hwerow avel galar rag an kynsa-genys.

Zekaria 2:13

Taw a-rag an Arloedh, oll kig, rag difunys yw a-dhiworth y drigva sans.

Luk 3:6

hag oll kig a wel selwyans Duw.” ’

Yowann 17:2

kepar dell resys dhodho galloes dres oll kig, may rollo bewnans heb diwedh dhe vyns re resys dhodho.

Yowann 7:39

Ev a gewsis hemma a-dro dhe'n Spyrys, a vedha degemmerys gans an re a grys ynno ev; rag ny via an Spyrys res na hwath, drefenn na veu Yesu glorifiys na hwath.

Oberow 10:45

Ha'n gryjygyon a'n trodreghyans neb re dhothya gans Peder a veu sowdhenys, drefenn bos ro an Spyrys Sans dinewys war an Jentilys ynwedh;

Oberow 11:27

Y'n dydhyow ma profoesi a dheuth yn-nans dhiworth Yerusalem dhe Antiogh;

Oberow 11:28

hag onan anedha henwys Agabus a sevis yn-bann, ha dargana der an Spyrys y fedha divoetter meur dres oll an norvys; hemma a hwarva yn termyn Klawdius.

Oberow 2:16

mes hemm yw an pyth a veu kewsys der an profoes Yoel,

Oberow 2:18

war ow hethyon ha'm kethesow my a dhinwa a'm Spyrys y'n dydhyow na, ha profoesa a wrons i.

Oberow 2:33

rakhenna, ughelhes dhe'n barth dhyghow dhe Dhuw, pan dhegemmersa dhiworth an Tas dedhewadow an Spyrys Sans, ev a dhinewis hemma hag a welowgh hag a glewowgh.

Oberow 21:9

Lemmyn yth esa dhe'n gour ma peder myrgh, gwyrghesow neb a brofoesa.

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

Ebrowyon 1:2

mes y'n dydhyow diwettha ma ev re gewsis dhyn dre Vab, neb a wrug y ordena an her a bup-tra, dredho ynwedh may hwrug an oesow,

Jamys 5:3

Agas owr ha'gas arghans re gesknias, ha'ga hesknians a vydh dustuni er agas pynn ha dybri agas kig kepar ha tan. Hwi re guntellas tresor rag an dydhyow diwettha.

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,