Oberow 2:1 - An Bibel Kernewek 20234 (Kernewek Kemmyn)

¹ Pan dhothya dy' Fenkost, yth esens i oll war-barth y'n keth tyller,

Oberow 2:1 Iomraidhean Croise

2 Kroniklys 30:12

Yth esa leuv Duw war Yuda ynwedh rag ri dhedha unn brys dhe wul an pyth a worhemmynnis an myghtern ha'n soedhogyon dre er an Arloedh.

2 Kroniklys 5:13

An hirgernysi ha'n ganoryon a junyas war-barth yn unnson yn gormola hag yn grasow dhe'n Arloedh. Keveylys gans hirgern ha gans symbalys, ha daffar menestrouthi arall, i a ganas gormola dhe'n Arloedh, ‘Rag ev yw da, ha'y dregeredh a dhur bys vykken’; ha'n chi, chi an Arloedh, o lenwys a gommolenn,

Salmow 133:1

Otta, ass yw da ha hweg breder dhe driga war-barth yn unnsys!

Eksodus 23:16

Ty a wra gwitha goel an drevas, a gynsa frut a'th wonis, a'n pyth a hesydh y'n gwel. Ty a wra gwitha goel an kuntell yn diwedh an vlydhen, pan guntellowgh frut dha lavur a'n gwel.

Eksodus 34:22

Ha ty a wra gwitha goel an seythunyow, kynsa frut an gwaneth ha goel an kuntell dhe benn an vlydhen.

Yeremia 32:39

My a re dhedha unn golonn hag unn fordh, ma's tevydh own ahanav bys vykken, dh'aga les, ha dhe les aga mebyon war aga lergh.

Sefania 3:9

Rag ena my a dhaskorr gweusyow pur dhe'n poblow may halwons i oll war hanow an Arloedh rag y servya gans unn akord.

Oberow 1:5

‘Rag Yowann a vesydhyas gans dowr, mes kyns lies dydh besydhys vydhowgh gans an Spyrys Sans.’

Oberow 1:8

Mes hwi a dhegemmer nerth pan dheu an Spyrys Sans warnowgh, ha dustunioryon vydhowgh dhymm, hag yn Yerusalem hag yn oll Yudi ha Samaria ha bys penn pella an norvys.’

Oberow 2:46

Ha pub dydh oll ow pesya yn tiwysyk ha keskolonn y'n tempel, hag ow terri bara yn aga chiow, i a gevrenna boes, heudh ha sempel aga holonnow,

Oberow 20:16

Rag Powl re ervirsa goelya dres Efesus, ma na spenna termyn yn Asia; rag yth esa ow fistena, mar kalla bos yn Yerusalem erbynn dy' Fenkost.

Oberow 4:24

Ha pan y'n klewsons, i a dhrehevis aga lev oll war-barth dhe Dhuw ha leverel, ‘Arloedh, neb a wrug nev ha nor, ha'n mor ha pup-tra ynna,

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Oberow 4:32

Lemmyn routh an re a grysi o unnverhes yn kolonn hag enev, ha denvyth ny leveris bos an pythow a berghennas dhodho ev y honan, mes pup-tra o kemmyn dhedha.

Oberow 5:12

Lemmyn dre dhiwla an abesteli meur a doknys ha marthusyon a hwarva yn mysk an bobel; hag yth esens oll war-barth yn Portal Solomon;

Romanyon 15:6

rag may hwormollowgh war-barth gans unn ganow Duw ha Tas agan Arloedh Yesu Krist.

1 Korinthianys 16:8

Mes my a wra gortos yn Efesus bys yn Penkost,

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 2:2

gwrewgh lenwel ow lowena, ow prederi an keth tra gans an keth kerensa yn unn spyrys, unn tybyans,